തിമിർത്ത് പെയ്ത് മഴ, നീക്കങ്ങൾ അതിവേഗം; 36 മണിക്കൂറിൽ ഖത്തറിൽ നീക്കം ചെയ്തത് 21 ലക്ഷം ഗാലൺ വെള്ളം

36 മണിക്കൂര്‍ നടത്തിയ ശ്രമങ്ങളിലൂടെയാണ് വിവിധ സ്ഥലങ്ങളില്‍ നിന്ന് മഴവെള്ളം നീക്കം ചെയ്തത്. 

ദോഹ: ഖത്തറില്‍ ഞായറാഴ്ച അതിരാവിലെ മുതല്‍ രാത്രി വരെ വിവിധ സ്ഥലങ്ങളിലായി പെയ്ത മഴയില്‍ കെട്ടിക്കിടന്ന വെള്ളം അതിവേഗം നീക്കം ചെയ്ത് മുന്‍സിപ്പാലിറ്റ് മന്ത്രാലയം. തുടര്‍ച്ചയായി 36 മണിക്കൂര്‍ നടത്തിയ ശ്രമങ്ങളിലൂടെ 21 ലക്ഷം ഗാലൺ വെള്ളമാണ് പല സ്ഥലങ്ങളില്‍ നിന്നായി നീക്കം ചെയ്തത്. 

ഞായറാഴ്ച പുലര്‍ച്ചെ മഴ തുടങ്ങിയതിന് പിന്നാലെ തന്നെ മഴവെള്ളം നീക്കം ചെയ്യാനുള്ള പ്രവര്‍ത്തനങ്ങളും ആരംഭിച്ചിരുന്നു. പൊ​തു​മ​രാ​മ​ത്ത് വി​ഭാ​ഗം, ആ​ഭ്യ​ന്ത​ര മ​ന്ത്രാ​ല​യ​ത്തി​നു കീ​ഴി​ലെ വി​വി​ധ സു​ര​ക്ഷ ഏ​ജ​ൻ​സി​ക​ൾ എ​ന്നി​വ​യു​മാ​യി ചേ​ർ​ന്നാ​ണ് ദൗ​ത്യം പൂ​ർ​ത്തി​യാ​ക്കി​യ​ത്. ഞായറാഴ്ച തുടങ്ങിയ മഴവെള്ളം നീക്കുന്ന പ്രവര്‍ത്തനങ്ങള്‍ തിങ്കളാഴ്ച വൈകുന്നേരം ആറ് മണി വരെ തുടര്‍ന്നു. ഇതിനായി 82 ടാ​ങ്ക​റു​ക​ൾ, 10 പ​മ്പു​ക​ൾ ഉ​ൾ​പ്പെ​ടെയുള്ള സൗ​ക​ര്യ​ങ്ങ​ൾ ഉ​പ​യോ​ഗി​ച്ചു. ആകെ 406 റൗണ്ടുകളായാണ് വെള്ളം പൂര്‍ണമായും നീക്കിയത്. 219 ളം ​ജീ​വ​ന​ക്കാ​ർ സ​ജീ​വ​മാ​യി പ്ര​വ​ർ​ത്തി​ച്ചു. മ​ന്ത്രാ​ല​യ​ത്തി​ന്റെ 184 കാ​ൾ​സെ​ന്റ​റി​ലേ​ക്ക് 94 അ​​ന്വേ​ഷ​ണ​ങ്ങ​ൾ മ​ഴ​യു​മാ​യി ബ​ന്ധ​പ്പെ​ട്ട് ല​ഭി​ച്ചു.

ഏഷ്യാനെറ്റ് ന്യൂസ് ലൈവ് യുട്യൂബിൽ കാണാം