സൗദി അറേബ്യയിൽ ഇന്ന് 502 പേർക്ക് കൊവിഡ് സ്ഥിരീകരിച്ചു

ഇതുവരെ രാജ്യത്ത് രോഗം സ്ഥിരീകരിച്ചവരുടെ ആകെ എണ്ണം 3,87,794 ആയി. ഇവരിൽ 3,76,558 പേർക്കും രോഗം ഭേദമായി. ആകെ മരണസംഖ്യ 6,643 ആയി. 

റിയാദ്: സൗദി അറേബ്യയിൽ 24 മണിക്കൂറിനിടെ 502 പേർക്ക് കൊവിഡ് രോഗബാധ സ്ഥിരീകരിച്ചു‌. തലസ്ഥാനമായ റിയാദിലാണ് ഇന്നും കൂടുതൽ രോഗികൾ. രാജ്യത്താകെ 355 പേർ രോഗമുക്തി നേടി. രാജ്യത്ത് വിവിധ ഭാഗങ്ങളിലായി ആറ്‌ പേർ കൂടി മരിച്ചു. 

ഇതുവരെ രാജ്യത്ത് രോഗം സ്ഥിരീകരിച്ചവരുടെ ആകെ എണ്ണം 3,87,794 ആയി. ഇവരിൽ 3,76,558 പേർക്കും രോഗം ഭേദമായി. ആകെ മരണസംഖ്യ 6,643 ആയി. രാജ്യത്തെ വിവിധ ആശുപത്രികളിലും മറ്റുമായി 4593 പേർ നിലവിൽ ചികിത്സയിലുണ്ട്. ഇവരിൽ 635 പേരുടെ നില ഗുരുതരമാണ്. ചികിത്സയിൽ കഴിയുന്ന ബാക്കിയുള്ളവരുടെ ആരോഗ്യനില തൃപ്തികരമാണ്. 

രാജ്യത്തെ രോഗ മുക്തി നിരക്ക് 97 ശതമാനവും മരണനിരക്ക് 1.7 ശതമാനവുമാണ്. കഴിഞ്ഞ 24 മണിക്കൂറിനിടെ വിവിധ മേഖലകളിൽ റിപ്പോർട്ട് ചെയ്ത പുതിയ കേസുകൾ: റിയാദ് 226, മക്ക 94, കിഴക്കൻ പ്രവിശ്യ 86, അൽഖസീം 25, മദീന 23, ജിസാൻ 10, അസീർ 9, തബൂക്ക് 9, വടക്കൻ അതിർത്തി മേഖല 7, നജ്‌റാൻ 5, ഹായിൽ 4, അൽജൗഫ് 3, അൽബാഹ 1.