Covid - 19 : സൗദി അറേബ്യയിൽ ഇതുവരെ റിപ്പോർട്ട് ചെയ്‍തത് അഞ്ചര ലക്ഷം കൊവിഡ് കേസുകൾ

സൗദി അറേബ്യയിൽ ഇന്ന് 85 പേര്‍ക്ക് കൂടി കൊവിഡ് സ്ഥിരീകരിച്ചു. ചികിത്സയിലായിരുന്ന 81 പേര്‍ രോഗമുക്തരായി. 24 മണിക്കൂറിനിടെ ഒരു കൊവിഡ് മരണം.

റിയാദ്: സൗദി അറേബ്യയിൽ (Saudi Arabia) ഇതുവരെ റിപ്പോർട്ട് ചെയ്ത കൊവിഡ് കേസുകൾ (Covid cases) അഞ്ചര ലക്ഷം കവിഞ്ഞു. ഇന്ന് 85 പേർക്ക് കൂടി കൊവിഡ് ബാധ സ്ഥിരീകരിച്ചതോടെ രാജ്യത്ത് ഇതുവരെ റിപ്പോർട്ട് ചെയ്‍ത ആകെ കേസുകളുടെ എണ്ണം 550,542 ആയി. ഇന്ന് 81 പേർ സുഖം പ്രാപിച്ചതോടെ (Covid recoveries) ആകെ രോഗമുക്തി കേസുകൾ 539,793ഉം ആയി. 

കഴിഞ്ഞ 24 മണിക്കൂറിനിടയിൽ കൊവിഡ് മൂലം ഒരു മരണം രാജ്യത്തുണ്ടായെന്നും സൗദി ആരോഗ്യ മന്ത്രാലയം അറിയിച്ചു. അതോടെ ആക മരണസംഖ്യ 8,858 ആയി. ഇന്ന് രാജ്യത്ത് ആകെ 32,123,480 കൊവിഡ് പി.സി.ആർ പരിശോധന നടത്തി. രാജ്യത്തെ കൊവിഡ് മുക്തി നിരക്ക് 98 ശതമാനവും മരണനിരക്ക് 1.6 ശതമാനവുമായി തുടരുന്നു. അസുഖ ബാധിതരായി ആകെയുള്ള 1,891 പേരിൽ 30 പേരുടെ നില ഗുരുതരമാണ്. ഇവർ രാജ്യത്തെ വിവിധ ആശുപത്രികളിൽ തീവ്രപരിചരണ വിഭാഗത്തിലാണ്. ബാക്കിയുള്ളവരുടെ സ്ഥിതി തൃപ്തികരമാണ്. 

രാജ്യത്താകെ ഇതുവരെ 48,256,920 ഡോസ് വാക്സിൻ കുത്തിവെച്ചു. ഇതിൽ 24,836,617 എണ്ണം ആദ്യ ഡോസ് ആണ്. 22,879,086 എണ്ണം സെക്കൻഡ് ഡോസും. 1,728,254 ഡോസ് പ്രായാധിക്യമുള്ളവർക്കാണ് നൽകിയത്. 541,217 പേർക്ക് ബൂസ്റ്റർ ഡോസ് നൽകി. രാജ്യത്തെ വിവിധ മേഖലകളിൽ പുതുതായി റിപ്പോർട്ട് ചെയ്ത രോഗികളുടെ എണ്ണം: റിയാദ് - 34, ജിദ്ദ - 14, മക്ക - 6, ഖോബാർ - 5, ദമ്മാം - 4, മദീന - 3, ഹുഫൂഫ് - 3, തബൂക്ക്, ത്വാഇഫ്, അൽഖർജ്, മുബറസ് എന്നിവിടങ്ങളിൽ രണ്ട് വീതവും മറ്റ് 10 സ്ഥലങ്ങളിൽ ഓരോ രോഗികൾ വീതവും.