അറ്റകുറ്റപ്പണി, അബുദാബിയിൽ റോഡ് ഭാഗികമായി അടച്ചു

അബുദാബിയിൽ റോഡ് ഭാഗികമായി അടച്ചു. റോഡ് അറ്റകുറ്റപ്പണികളോട് അനുബന്ധിച്ചാണ് ഈ നടപടി. ഡിസംബർ 21 ഞായറാഴ്ച മുതൽ 2026 ജനുവരി 10 ശനിയാഴ്ച വരെയാണ് റോഡ് അടച്ചിടുക.

അബുദാബി: അബുദാബിയിലെ അ​ല്‍ ദ​ഫ്​​റ മേ​ഖ​ല​യി​ലെ അൽ മിർഫയ്ക്ക് സമീപമുള്ള ശൈഖ് ഖലീഫ ബിൻ സായിദ് ഇന്‍റർനാഷണൽ റോഡിൽ (E11) ഭാഗികമായി ഗതാഗത നിയന്ത്രണം. റോഡ് ഭാഗികമായി അടച്ചിടുന്നതായി അബുദാബി മൊബിലിറ്റി അറിയിച്ചു. റോഡ് അറ്റകുറ്റപ്പണികളോട് അനുബന്ധിച്ചാണ് ഈ നടപടി.

ഡിസംബർ 21 ഞായറാഴ്ച മുതൽ 2026 ജനുവരി 10 ശനിയാഴ്ച വരെയാണ് റോഡ് അടച്ചിടുക. ഈ ദിവസങ്ങളിൽ അ​ര്‍ധ​രാ​ത്രി 12 മു​ത​ല്‍ പു​ല​ര്‍ച്ച അ​ഞ്ചു​ വ​രെ​യാ​യി​രി​ക്കും ഈ ​റോ​ഡു​ക​ളി​ല്‍ ന​വീ​ക​ര​ണ പ്ര​വൃ​ത്തി​ക​ള്‍ ന​ട​ക്കു​ക. റോഡിന്‍റെ ഇരുവശങ്ങളിലുമായി രണ്ട് വരി പാതകൾ വീതം അടച്ചിടും. യാത്രക്കാർ ഈ സമയക്രമം മനസ്സിലാക്കി യാത്രകൾ മുൻകൂട്ടി പ്ലാൻ ചെയ്യണമെന്നും, ഗതാഗതക്കുരുക്ക് ഒഴിവാക്കാൻ ബദൽ പാതകൾ ഉപയോഗിക്കണമെന്നും അധികൃതർ നിർദ്ദേശിച്ചു. സോഷ്യൽ മീഡിയ പ്ലാറ്റ്‌ഫോമായ എക്സിലൂടെയാണ് അബുദാബി മൊബിലിറ്റി ഈ വിവരം അറിയിച്ചത്.