അബുദാബിയില്‍ ഈ റൂട്ടുകളില്‍ ഇനി സൗജന്യ ബസ് സര്‍വ്വീസ്

പ്രദേശത്തെ വിവിധ സ്ഥലങ്ങളില്‍ നിന്ന് പ്രധാന ബസ്റ്റോപ്പുകളിലേക്കാണ് സൗജന്യ യാത്രാ സൗകര്യം ഏര്‍പ്പെടുത്തുന്നത്. രാവിലെ ആറ് മണി മുതല്‍ രാത്രി 10 മണി വരെ സൗജന്യസേവനം ലഭ്യമാവുകയും ചെയ്യും. 

അബുദാബി: തെരെഞ്ഞെടുക്കപ്പെട്ട റൂട്ടുകളില്‍ സൗജന്യ ബസ് സര്‍വ്വീസ് തുടങ്ങുന്ന പദ്ധതിക്ക് ഗതാഗത മന്ത്രാലയം രൂപം നല്‍കി. ആദ്യഘട്ടമായി മുസ്സഫയിലാണ് പദ്ധതി നടപ്പാക്കുന്നത്. 

പ്രദേശത്തെ വിവിധ സ്ഥലങ്ങളില്‍ നിന്ന് പ്രധാന ബസ്റ്റോപ്പുകളിലേക്കാണ് സൗജന്യ യാത്രാ സൗകര്യം ഏര്‍പ്പെടുത്തുന്നത്. രാവിലെ ആറ് മണി മുതല്‍ രാത്രി 10 മണി വരെ സൗജന്യസേവനം ലഭ്യമാവുകയും ചെയ്യും. രാജ്യത്തെ പൊതുഗതാഗത സംവിധാനം കൂടുതല്‍ മെച്ചപ്പെടുത്തുന്നതിന്റെ ഭാഗമായാണ് പുതിയ പദ്ധതി പ്രഖ്യാപിച്ചിരിക്കുന്നത്. ഉപഭോക്താക്കളുടെ അഭിപ്രായങ്ങളും നിര്‍ദ്ദേശങ്ങളും പരിഗണിച്ച് കൂടുതല്‍ മാറ്റങ്ങള്‍ വരുത്തും. അബുദാബിയിലെ മറ്റ് പ്രദേശങ്ങളിലേക്കുകൂടി ഇത് വ്യാപിപ്പിക്കുന്നതിനുള്ള സാധ്യതകളും പരിശോധിക്കുന്നുണ്ട്.