അന്താരാഷ്ട്ര ബ്രാന്ഡുകളുടെ വ്യാജ ഉല്പ്പന്നങ്ങള്; 12 ഇന്സ്റ്റാഗ്രാം അക്കൗണ്ടുകള്ക്കെതിരെ നടപടി
Synopsis
ആഭ്യന്തര മന്ത്രാലത്തിലെ സൈമ്പത്തിക-സൈബര് കുറ്റകൃത്യ പ്രതിരോധ വകുപ്പിന്റെ സഹകരണത്തോടെയാണ് വാണിജ്യ-വ്യവസായ മന്ത്രാലയം നടപടി സ്വീകരിച്ചത്.
ദോഹ: അന്താരാഷ്ട്ര ബ്രാന്ഡുകളുടെ വ്യാജ ഉല്പ്പന്നങ്ങള് പ്രദര്ശിപ്പിക്കുകയും വില്പ്പന നടത്തുകയും ചെയ്ത 12 ഇന്സ്റ്റാഗ്രാം അക്കൗണ്ടുകള്ക്കെതിരെ നടപടിയെടുത്ത് ഖത്തര് വാണിജ്യ, വ്യവസായ മന്ത്രാലയ അധികൃതര്. ആഭ്യന്തര മന്ത്രാലത്തിലെ സൈമ്പത്തിക-സൈബര് കുറ്റകൃത്യ പ്രതിരോധ വകുപ്പിന്റെ സഹകരണത്തോടെയാണ് വാണിജ്യ-വ്യവസായ മന്ത്രാലയം നടപടി സ്വീകരിച്ചത്.
ഖത്തര് എയര്വേയ്സ് ഷാര്ജയില് നിന്നുള്ള സര്വീസുകളുടെ എണ്ണം ഉയര്ത്തും
ഉപഭോക്തൃ സംരക്ഷണ നിയമത്തിലെ വ്യവസ്ഥകളുടെ ലംഘനമാണ് ഇത്തരം നടപടികള്. രാജ്യത്തെ ജനങ്ങള് ബൗദ്ധിക സ്വത്തവകാശ നിയമവ്യവസ്ഥകള് പാലിക്കണമെന്നും അവകാശങ്ങളെ ലംഘിക്കുന്ന പ്രവര്ത്തനങ്ങള് നടത്തുന്നത് ശിക്ഷാര്ഹമാണെന്നും അധികൃതര് ഓര്മ്മപ്പെടുത്തി.
ലോകത്തിലെ ഏറ്റവും വലിയ 360 ഡിഗ്രി സ്ക്രീന്; ഗിന്നസ് റെക്കോര്ഡ് ഖത്തറിന് സ്വന്തം
ദോഹ: ലോകത്തിലെ ഏറ്റവും വലിയ ബാഹ്യ 360 ഡിഗ്രി സ്ക്രീനെന്ന (Largest external 360 degree screen) ഗിന്നസ് റെക്കോര്ഡ് ദോഹ ടോര്ച്ച് ടവര് (The Torch Doha) സ്വന്തമാക്കി. കഴിഞ്ഞ ദിവസമായിരുന്നു ഈ സ്ക്രീനിന്റെ പ്രകാശന ചടങ്ങ്. നേരത്തെ ജൂണ് ആറിനായിരുന്നു പ്രകാശന ചടങ്ങ് നിശ്ചയിച്ചിരുന്നതെങ്കിലും പ്രതികൂല കാലാവസ്ഥ കാരണം കഴിഞ്ഞ ദിവസത്തേക്ക് മാറ്റി വെയ്ക്കുകയായിരുന്നു.
ലോകത്തിലെ ഏറ്റവും വലിയ എക്സ്റ്റേണല് 360 ഡിഗ്രി സ്ക്രീനിനുള്ള ഗിന്നസ് പുരസ്കാരം ആസ്പെയര് സോണ് സിഇഒ മുഹമ്മദ് ഖലീഫ അല് സുവൈദി ഗിന്നസ് അധികൃതരില് നിന്ന് ഏറ്റുവാങ്ങി. ഖത്തറില് ഈ വര്ഷം നടക്കാനിരിക്കുന്ന 2022 ഫിഫ ലോകകപ്പ് ഫുട്ബോള് മത്സരത്തിന്റെയും മെസ്സി, നെയ്മര്, ബെക്കാം എന്നിവരുടെയും ചില വീഡിയോ ദൃശ്യങ്ങളാണ് പ്രകാശന ചടങ്ങില് 360 ഡിഗ്രി സ്ക്രീനില് പ്രദര്ശിപ്പിച്ചത്. കൂടാതെ കരിമരുന്ന് പ്രയോഗവും ലേസര് ഷോയും ദൃശ്യവിരുന്നൊരുക്കി.
ഖത്തര് ടോര്ച്ച് ബില്ഡിങിന് ചുറ്റുമായി സജ്ജീകരിച്ചിരിക്കുന്ന ഈ സ്ക്രീനിന് 11,345 ചതുരശ്ര മീറ്റര് (112,116 ചതുരശ്ര അടിയിലധികം) വിസ്തീര്ണമാണുള്ളത്. ആസ്പെയര് ടവര് എന്നും അറിയപ്പെടുത്ത ദോഹ ടോര്ച്ച് ടവറിന് 298 മീറ്റര് (980 അടി) ഉയരമാണുള്ളത്. 300 മീറ്റര് ഉയരത്തില് സ്ഥിതി ചെയ്യന്ന ടോര്ച്ച് ദോഹയില് നിന്ന് ദോഹ നഗരത്തിന്റെ മനോഹരവും വിശാലവുമായ 360 ഡിഗ്രി കാഴ്ചയും സാധ്യമാവും.
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ Asianet News Malayalam