പ്രവാസികള്ക്ക് സന്തോഷ വാര്ത്ത; നേരിട്ടുള്ള പുതിയ സര്വീസുമായി എയര് ഇന്ത്യ എക്സ്പ്രസ്, മൂന്ന് സര്വീസുകൾ
Synopsis
ഈ റൂട്ടില് ആഴ്ചയില് നേരിട്ടുള്ള മൂന്ന് സര്വീസുകളാകും ഉണ്ടാകുക.
പൂനെ: പുതിയ സര്വീസുകള് പ്രഖ്യാപിച്ച് എയര് ഇന്ത്യ എക്സ്പ്രസ്. ഹൈദരാബാദില് നിന്ന് സൗദി അറേബ്യയുടെ തലസ്ഥാന നഗരമായ റിയാദിലേക്കാണ് പുതിയ നേരിട്ടുള്ള സര്വീസ്.
ഈ റൂട്ടില് ആഴ്ചയില് നേരിട്ടുള്ള മൂന്ന് സര്വീസുകളാകും ഉണ്ടാകുക. അടുത്തിടെ ഹൈദരാബാദിനെയും ദമ്മാമിനെയും ബന്ധിപ്പിക്കുന്ന വിമാന സര്വീസിനും എയര് ഇന്ത്യ എക്സ്പ്രസ് തുടക്കമിട്ടിരുന്നു. ഇതോടെ എയര് ഇന്ത്യ എക്സ്പ്രസിന് ഹൈദരാബാദില് നിന്ന് സൗദി അറേബ്യയിലെ മൂന്ന് പ്രധാന നഗരങ്ങളിലേക്കും സര്വീസായി. ജിദ്ദയിലേക്കും ദമ്മാമിലേക്കും നേരിട്ടുള്ള സര്വീസുകള് നേരത്തേയുണ്ട്. ഹൈദരാബാദ്-റിയാദ് റൂട്ടില് സര്വീസുകള് ഫെബ്രുവരി രണ്ടിന് ആരംഭിക്കും.
Read Also - ഗംഭീര ഓഫര്! ആദ്യം 2,35,014 രൂപ ശമ്പളം, അലവൻസുകള്; ഗ്ലാമറസ് ജോലി വേണോ? 5000 പേർക്ക് വാതിൽ തുറന്ന് എയര്ലൈൻ
തിങ്കള്, ബുധന്, വെള്ളി ദിവസങ്ങളാണ് സര്വീസ് ഷെഡ്യൂള് ചെയ്തിരിക്കുന്നത്. ഹൈദരാബാദില് നിന്ന് ഉച്ചയ്ക്ക് 12:05ന് പുറപ്പെടുന്ന വിമാനം സൗദി സമയം വൈകുന്നേരം മൂന്നു മണിക്ക് റിയാദിലെത്തും. വൈകുന്നേരം നാലു മണിക്ക് സൗദിയില് നിന്ന് തിരിച്ചുപറക്കുന്ന വിമാനം രാത്രി 11ന് ഹൈദരാബാദില് ഇറങ്ങും. എയര് ഇന്ത്യ എക്സ്പ്രസിന്റെ മൊബൈല് ആപ്ലിക്കേഷനിലൂടെയും വെബ്സൈറ്റിലൂടെയും മറ്റ് പ്രധാന ബുക്കിങ് പ്ലാറ്റ്ഫോമുകളിലൂടെയും ടിക്കറ്റ് ബുക്ക് ചെയ്യാം.
മലയാളികളടക്കമുള്ള പ്രവാസികള് പ്രതീക്ഷയില്; ആഴ്ചയില് മൂന്ന് സര്വീസ്, ആശ്വാസമാകാൻ ബജറ്റ് എയര്ലൈന് വീണ്ടും
മസ്കറ്റ്: ഷാര്ജ ആസ്ഥാനമായുള്ള ബജറ്റ് എയര്ലൈന് എയര് അറേബ്യയുടെ സുഹാര്-ഷാര്ജ സര്വീസുകള് ജനുവരി 29 മുതല് ആരംഭിക്കും. ആഴ്ചയില് മൂന്ന് ദിവസങ്ങളിലാണ് സര്വീസുകള് ഉണ്ടാകുക. തിങ്കള്, ബുധന്, വ്യാഴം ദിവസങ്ങളിലാണ് സര്വീസുകള്.
ഷാര്ജയില് നിന്ന് രാവിലെ 8.40ന് പുറപ്പെടുന്ന വിമാനം 9.20ന് സുഹാറിലെത്തും. ഇവിടെ നിന്നും രാവിലെ 10ന് പുറപ്പെട്ട് ഷാര്ജയില് 10.40ന് എത്തുന്ന രീതിയിലാണ് ഷെഡ്യൂളുകള് ക്രമീകരിച്ചിരിക്കുന്നതെന്ന് കമ്പനിയുടെ പ്രമോഷന് പോസ്റ്ററില് വ്യക്തമാക്കുന്നു. എന്നാല് വെബ്സൈറ്റില് ബുക്കിങ് സൗകര്യം ലഭ്യമായിട്ടില്ല. ഷാര്ജയില് നിന്ന് കേരളത്തിലേക്കും വിവിധ ഇന്ത്യന് എയര്പോര്ട്ടുകളിലേക്കും യാത്ര ചെയ്യാനുള്ള സൗകര്യം എയര് അറേബ്യ നല്കുന്നത് കൊണ്ട് കൂടുതല് ആളുകള് ഈ സര്വീസ് പ്രയോജനപ്പെടുത്തുമെന്നാണ് കരുതുന്നത്. ബാത്തിന മേഖലയിലെ പ്രവാസികള്ക്ക് എയര് അറേബ്യ സര്വീസ് പ്രതീക്ഷ നല്കുന്നതാണ്. സുഹാര് എയര്പോര്ട്ടില് നിന്ന് നേരത്തെ സര്വീസ് നടത്തിയിരുന്ന വിമാനങ്ങളാണ് എയര് അറേബ്യയും സലാം എയറും. എയര് അറേബ്യ സര്വീസ് സജീവമായാല് വടക്കന് ബത്തിന മേഖലയിലെ യാത്രാ പ്രായസം കുറയും.
ഏഷ്യാനെറ്റ് ന്യൂസ് ലൈവ് യുട്യൂബില് കാണാം...
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ Asianet News Malayalam