സൗദി അറേബ്യയില്‍ മദ്യ നിര്‍മാണം; പ്രവാസികള്‍ അറസ്റ്റില്‍

അനധികൃതമായി താമസമാക്കിയ വിദേശികളാണ് വൻതോതിൽ മദ്യം നിർമിച്ചതെന്നാണ് അധികൃതര്‍ പറയുന്നത്. വിതരണത്തിന് തയാറാക്കിയ മദ്യവും വാഷും മദ്യം നിർമിക്കുന്നതിനുള്ള അസംസ്‌കൃത വസ്തുക്കളും കണ്ടെത്തിയിട്ടുണ്ട്

റിയാദ്: സൗദി അറേബ്യയിലെ അൽഹറാസാത്ത് ഡിസ്ട്രിക്ടിൽ മദ്യനിര്‍മ്മാണം നടത്തിയ സംഘം അറസ്റ്റില്‍. വൻതോതിൽ മദ്യം നിർമിച്ച് വിതരണം ചെയ്ത സംഘത്തെ ജിദ്ദ നഗരസഭയും സുരക്ഷാ വകുപ്പുകളും ചേർന്നാണ് പിടികൂടിയത്.

അനധികൃതമായി താമസമാക്കിയ വിദേശികളാണ് വൻതോതിൽ മദ്യം നിർമിച്ചതെന്നാണ് അധികൃതര്‍ പറയുന്നത്. വിതരണത്തിന് തയാറാക്കിയ മദ്യവും വാഷും മദ്യം നിർമിക്കുന്നതിനുള്ള അസംസ്‌കൃത വസ്തുക്കളും കണ്ടെത്തിയിട്ടുണ്ട്. പ്രതികൾക്കെതിരെ സുരക്ഷാ വകുപ്പുകൾ നിയമാനുസൃത നടപടികൾ സ്വീകരിച്ചിട്ടുണ്ട്.