ഉഭയകക്ഷി സഹകരണം: യുഎഇ പ്രസി‍ഡന്റും സൗദി കിരീടാവകാശിയും ചർച്ച നടത്തി

പ്രാദേശിക, അന്താരാഷ്ട്ര വിഷയങ്ങളും മിഡിൽ ഈസ്റ്റിൽ നടന്നു കൊണ്ടിരിക്കുന്ന സംഭവ വികാസങ്ങളും ഇരുവരും അവലോകനം ചെയ്തു

അബുദാബി: യുഎഇ പ്രസി‍ഡന്റ് ശൈഖ് മുഹമ്മദ് ബിൻ സായിദ് അൽ നഹ്യാനും സൗദി കിരീടാവകാശിയും പ്രധാനമന്ത്രിയുമായ മുഹമ്മദ് ബിൻ സൽമാനും തമ്മിൽ ഫോൺ സംഭാഷണം നടത്തി. ഇരു രാജ്യങ്ങളും തമ്മിലുള്ള സാഹോദര്യ ബന്ധത്തെപ്പറ്റിയും ഉഭയകക്ഷി സഹകരണം വർധിപ്പിക്കുന്നതിനുള്ള വഴികളും ചർച്ച ചെയ്തു. 

പ്രാദേശിക, അന്താരാഷ്ട്ര വിഷയങ്ങളും മിഡിൽ ഈസ്റ്റിൽ നടന്നു കൊണ്ടിരിക്കുന്ന സംഭവ വികാസങ്ങളും ഇരുവരും അവലോകനം ചെയ്തു. മേഖലയിലെ എല്ലാ രാജ്യത്തെയും ജനങ്ങൾക്ക് സുരക്ഷയും സ്ഥിരതയും ഉറപ്പാക്കുന്നതിനായി ദ്വിരാഷ്ട്ര പരിഹാരത്തെ അടിസ്ഥാനമാക്കിയുള്ള  സംയുക്ത ശ്രമങ്ങളുടെ പ്രാധാന്യവും അവർ ഊന്നിപ്പറഞ്ഞു.