റിയാദിൽ ഗോഡൗണുകളിൽ തീപിടിത്തം; ആളപായമില്ല

വരമറിഞ്ഞ് സ്ഥലത്തെത്തിയ സിവിൽ ഡിഫൻസിന്റെ നേതൃത്വത്തിൽ എത്തിയ അഗ്നിശമന സേന അഗ്നിബാധ നിയന്ത്രണവിധേയമാക്കുകയായിരുന്നു.

റിയാദ്: റിയാദില്‍ വിവിധ കമ്പനികളുടെ ഗോഡൗണുകളിൽ അഗ്നിബാധയുണ്ടായി. റിയാദ് നഗരത്തിലെ തെക്ക് ഭാഗത്ത് പഴയ അൽഖർജ് റോഡിലുള്ള ഗോഡൗണുകളിലാണ് കഴിഞ്ഞ ദിവസം വൈകീട്ട് തീപിടിത്തമുണ്ടായത്. വിവരമറിഞ്ഞ് സ്ഥലത്തെത്തിയ സിവിൽ ഡിഫൻസിന്റെ നേതൃത്വത്തിൽ എത്തിയ അഗ്നിശമന സേന അഗ്നിബാധ നിയന്ത്രണവിധേയമാക്കുകയായിരുന്നു. സ്വത്ത് നാശമുണ്ടായി. ആളപായമില്ല. തീപിടിത്തം വേഗം നിയന്ത്രണവിധേയമാക്കിയതിനാൽ കൂടുതൽ ഭാഗങ്ങളിലേക്ക് തീപടരാതിരിക്കാനും ആഘാതം കുറയ്ക്കാനും സഹായിച്ചതായി സിവിൽ ഡിഫൻസ് ട്വീറ്റ് ചെയ്തു.