Saudi Covid Report : സൗദിയില് കൊവിഡ് കേസുകള് ഉയര്ന്നു തന്നെ; വാക്സിന് വിതരണം അഞ്ച് കോടി ഡോസ് കവിഞ്ഞു
Synopsis
രാജ്യത്ത് ഇതുവരെ റിപ്പോര്ട്ട് ചെയ്ത ആകെ കേസുകളുടെ എണ്ണം 554,665 ആയി. ആകെ രോഗമുക്തി കേസുകള് 541,388 ആണ്. ആെക മരണസംഖ്യ 8,874 ആയി. ഇന്ന് രാജ്യത്ത് ആകെ 33,049,929 കോവിഡ് പി.സി.ആര് പരിശോധന നടത്തി.
റിയാദ്: സൗദി അറേബ്യയില്(Saudi Arabia) പുതിയ കൊവിഡ് (Covid)കേസുകള് മുകളിലേക്ക് തന്നെ. അതെസമയം പ്രതിരോധ കുത്തിവെയ്പ് അഞ്ച് കോടി ഡോസ് കവിയുകയും ചെയ്തു. 24 മണിക്കൂറിനിടയില് 744 പേര്ക്കാണ് പുതുതായി കൊവിഡ് സ്ഥിരീകരിച്ചത്. രോഗമുക്തിയും ഉയരുന്നുണ്ട്. നിലവിലെ രോഗികളില് 233 പേര് സുഖം പ്രാപിച്ചു. കൊവിഡ് മൂലം ഒരു മരണം റിപ്പോര്ട്ട് ചെയ്തതായി സൗദി ആരോഗ്യ മന്ത്രാലയം അറിയിച്ചു.
രാജ്യത്ത് ഇതുവരെ റിപ്പോര്ട്ട് ചെയ്ത ആകെ കേസുകളുടെ എണ്ണം 554,665 ആയി. ആകെ രോഗമുക്തി കേസുകള് 541,388 ആണ്. ആെക മരണസംഖ്യ 8,874 ആയി. ഇന്ന് രാജ്യത്ത് ആകെ 33,049,929 കോവിഡ് പി.സി.ആര് പരിശോധന നടത്തി. രാജ്യത്തെ കൊവിഡ് മുക്തി നിരക്ക് 98 ശതമാനവും മരണനിരക്ക് 1.6 ശതമാനവുമായി തുടരുന്നു. അസുഖ ബാധിതരായി ആകെയുള്ള 4,403 പേരില് 43 പേരുടെ നില ഗുരുതരമാണ്. ഇവര് രാജ്യത്തെ വിവിധ ആശുപത്രികളില് തീവ്രപരിചരണ വിഭാഗത്തിലാണ്. ബാക്കിയുള്ളവരുടെ സ്ഥിതി തൃപ്തികരമാണ്. രാജ്യത്താകെ ഇതുവരെ 50,396,543 ഡോസ് വാക്സിന് കുത്തിവെച്ചു. ഇതില് 24,995,660 എണ്ണം ആദ്യ ഡോസ് ആണ്. 23,140,516 എണ്ണം സെക്കന്ഡ് ഡോസും. 1,734,380 ഡോസ് പ്രായാധിക്യമുള്ളവര്ക്കാണ് നല്കിയത്. 2,260,367 പേര്ക്ക് ബൂസ്റ്റര് ഡോസ് നല്കി.
രാജ്യത്തെ വിവിധ മേഖലകളില് പുതുതായി റിപ്പോര്ട്ട് ചെയ്ത രോഗികളുടെ എണ്ണം: റിയാദ് 187, മക്ക 155, ജിദ്ദ 149, ഹുഫൂഫ് 32, മദീന 22, മുബറസ് 22, ഖോബാര് 18, അറാര് 16, ദമ്മാം 14, ദഹ്റാന് 9, യാംബു 8, തായിഫ് 6, തുറൈഫ് 6, ജുബൈല് 6, തബൂക്ക് 5, റാബിഖ് 5, ലൈത് 5, ബുറൈദ 4, ഖുലൈസ് 3, ജീസാന് 3, മജ്മഅ 3, ഉനൈസ 3, അല്റസ് 3, അല്കാമില് 3, ഖഫ്ജി 3, മറ്റ് അഞ്ചിടങ്ങളില് ആറ് സ്ഥലങ്ങളില് രണ്ടും 32 സ്ഥലങ്ങളില് ഓരോന്നും വീതം രോഗികള്.
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ Asianet News Malayalam