ലോകത്തിലെ ഏറ്റവും വലിയ എയർപോർട്ട് ദുബൈയിൽ വരുന്നൂ, അൽ മക്തൂം വിമാനത്താവള പദ്ധതിക്ക് കരാറുകൾ നൽകി തുടങ്ങി

നിര്‍മ്മാണം പൂര്‍ത്തിയാകുമ്പോള്‍ അതിശയിപ്പിക്കുന്ന ആധുനിക സംവിധാനങ്ങളുമായി ലോകത്തിലെ ഏറ്റവും വലിയ എയര്‍പോര്‍ട്ടെന്ന ഖ്യാതി അല്‍ മക്തൂം വിമാനത്താവളത്തിന് സ്വന്തമാകും. 

അബുദാബി: ലോകത്തിലെ ഏറ്റവും വലിയ വിമാനത്താവളമാകാന്‍ ദുബൈയിലെ അല്‍ മക്തൂം അന്താരാഷ്ട്ര വിമാനത്താവളം. അല്‍ മക്തൂം അന്താരാഷ്ട്ര വിമാനത്താവള പദ്ധതിക്ക് കരാറുകള്‍ നല്‍കുകയും നിര്‍മ്മാണ പ്രവര്‍ത്തനങ്ങള്‍ തുടങ്ങുകയും ചെയ്തതായി ദു​ബൈ സി​വി​ൽ ഏ​വി​യേ​ഷ​ൻ അ​തോ​റി​റ്റി പ്ര​സി​ഡ​ന്റും ദു​ബൈ എ​യ​ർ​പോ​ർ​ട്​​സ്​ ചെ​യ​ർ​മാ​നു​മാ​യ ശൈ​ഖ്​ അ​ഹ്മ​ദ്​ ബി​ൻ സ​ഈ​ദ്​ ആ​ൽ മ​ക്​​തൂ​മാ​ണ്​ വെ​ളി​പ്പെ​ടു​ത്തി​. നിര്‍മ്മാണം പൂര്‍ത്തിയാകുമ്പോള്‍ ലോകത്തിലെ ഏറ്റവും വലിയ വിമാനത്താവളം ആകും ഇതെന്നാണ് പ്രതീക്ഷിക്കുന്നത്. 

26 കോ​ടി യാ​ത്ര​ക്കാ​ർ​ക്ക്​ സ​ഞ്ച​രി​ക്കാ​നു​ള്ള സൗ​ക​ര്യം ഒരുക്കുന്ന ഈ വിമാനത്താവളത്തിന് യുഎഇ വൈസ് പ്രസിഡന്‍റും പ്രധാനമന്ത്രിയും ദുബൈ ഭരണാധികാരിയുമായി ശൈഖ് മുഹമ്മദ് ബിന്‍ റാഷിദ് അല്‍ മക്തൂം അംഗീകാരം നല്‍കിയിരുന്നു. ദുബൈ അന്താരാഷ്ട്ര വിമാനത്താവളത്തിലെ എല്ലാ പ്രവര്‍ത്തനങ്ങളും 128 ശ​ത​കോ​ടി ദി​ർ​ഹം ചെ​ലവ് പ്രതീക്ഷിക്കുന്ന അല്‍ മക്തൂം അന്താരാഷ്ട്ര വിമാനത്താവളത്തിലേക്ക് മാറ്റും. പത്ത് വര്‍ഷത്തില്‍ ദുബൈ അന്താരാഷ്ട്ര വിമാനത്താവളത്തിലെ എല്ലാ പ്രവര്‍ത്തനങ്ങളും പൂര്‍ണമായും പുതിയ വിമാനത്താവളത്തിലേക്ക് മാറ്റും. 

400 വി​മാ​ന​ത്താ​വ​ള ഗേ​റ്റു​ക​ളും അ​ഞ്ച്​ സ​മാ​ന്ത​ര റ​ൺ​വേ​ക​ളും ഉ​ൾ​ക്കൊ​ള്ളു​ന്ന വി​മാ​ന​ത്താ​വ​ളം 70 സ്ക്വ​യ​ർ കി.​ലോ​മീ​റ്റ​ർ പ്ര​ദേ​ശ​ത്താ​ണ്​ നി​ർ​മി​ക്കു​ന്ന​ത്. നി​ർ​മാ​ണം പൂ​ർ​ത്തി​യാ​കുമ്പോൾ നി​ല​വി​ലെ വി​മാ​ന​ത്താ​വ​ള​ത്തി​ന്‍റെ അ​ഞ്ചു​മ​ട​ങ്ങ്​ ശേ​ഷി​യാ​ണ്​ ഇ​തി​നു​ണ്ടാ​വു​ക. അതി നൂ​ത​ന​മാ​യ സം​വി​ധാ​ന​ങ്ങ​ളാ​ണ്​ വി​മാ​ന​ത്താ​വ​ള​ത്തി​ൽ ഉ​പ​യോ​ഗി​ക്കു​കയെന്ന് അധികൃതര്‍ വെളിപ്പെടുത്തിയിട്ടുണ്ട്. അതേസമയം 2024-25 എ​മി​റേ​റ്റ്​​സ്​ ഗ്രൂ​പ്പി​ന്​ മ​റ്റൊ​രു റെ​ക്കോ​ഡ്​ വ​ർ​ഷ​മാ​യി​രി​ക്കു​മെ​ന്ന്​ എ​മി​റേ​റ്റ്​​സ്​ എ​യ​ർ​ലൈ​നി​ന്‍റെ​യും ഗ്രൂ​പ്പി​ന്‍റെ​യും ചീ​ഫ്​ എ​ക്സി​ക്യൂ​ട്ടി​വും ചെ​യ​ർ​മാ​നും കൂ​ടി​യാ​യ ശൈ​ഖ്​ അ​ഹ്മ​ദ്​ പ്ര​തീ​ക്ഷ പ്ര​ക​ടി​പ്പി​ച്ചി​ട്ടു​ണ്ട്. ക​ഴി​ഞ്ഞ വ​ർ​ഷം 1870 കോ​ടി ദി​ർ​ഹം ലാ​ഭ​വു​മാ​യി എ​മി​റേ​റ്റ്​​സ്​ ഗ്രൂ​പ്​ റെ​ക്കോ​ഡ്​ നേ​ട്ടം കൈ​വ​രി​ച്ചി​രു​ന്നു. മുന്‍ വര്‍ഷത്തേക്കാള്‍ 71 ശതമാനം വര്‍ധനവാണ് ലാഭത്തിലുണ്ടായത്. 

ഏഷ്യാനെറ്റ് ന്യൂസ് ലൈവ് യൂട്യൂബിൽ കാണാം