തുടർച്ചയായി അഞ്ച് ദിവസം അവധി ലഭിക്കും, ബലിപെരുന്നാൾ അവധി പ്രഖ്യാപിച്ച് കുവൈത്ത്
Follow Us
Synopsis
ബലിപെരുന്നാൾ അവധി പ്രഖ്യാപിച്ച് കുവൈത്ത്. ആകെ അഞ്ച് ദിവസമാണ് അവധി ലഭിക്കുക.
കുവൈത്ത് സിറ്റി: കുവൈത്തിൽ ബലിപെരുന്നാളിനോട് അനുബന്ധിച്ച് അവധി പ്രഖ്യാപിച്ചു. ആക്ടിംഗ് പ്രധാനമന്ത്രിയും ആഭ്യന്തര മന്ത്രിയുമായ ശൈഖ് ഫഹദ് യൂസഫ് സൗദ് അൽ-സബയുടെ അധ്യക്ഷതയിൽ ഇന്നലെ നടന്ന പ്രതിവാര യോഗത്തിൽ പുറത്തിറക്കിയ മന്ത്രിസഭാ പ്രസ്താവന പ്രകാരം ഹിജ്റ 1446 ലെ അറഫ ദിനവും ഈദ് അൽ-അദ്ഹയും പ്രമാണിച്ച് എല്ലാ മന്ത്രാലയങ്ങൾക്കും സർക്കാർ ഏജൻസികൾക്കും അധികാരികൾക്കും പൊതു സ്ഥാപനങ്ങൾക്കും കുവൈത്ത് മന്ത്രിസഭ അവധി പ്രഖ്യാപിച്ചു.
Read Also - ഒമാനിൽ തൊഴിലവസരം, സർക്കാർ മേഖലയിലെ വിവിധ തസ്തികകളിലായി 631 ഒഴിവുകൾ
ജൂൺ 5 വ്യാഴാഴ്ച മുതൽ ജൂൺ 8 ഞായറാഴ്ച വരെ പൊതുമേഖലാ അവധി ദിവസങ്ങൾ നാല് ദിവസമായിരിക്കും. ജൂൺ 9 തിങ്കളാഴ്ച വിശ്രമ ദിനമായി നിശ്ചയിച്ചിട്ടുണ്ട്. പൊതുമേഖലയിലെ ജോലികൾ ജൂൺ 10 ചൊവ്വാഴ്ച പുനരാരംഭിക്കും. പ്രത്യേക പ്രവർത്തന ആവശ്യകതകളുള്ള സ്ഥാപനങ്ങൾക്ക് പൊതുജന താൽപ്പര്യത്തിന് അനുസൃതമായി ബന്ധപ്പെട്ട അധികാരികൾ അവരുടെ അവധിക്കാല ഷെഡ്യൂളുകൾ നിശ്ചയിക്കുമെന്ന് മന്ത്രിസഭ ചൂണ്ടിക്കാട്ടി.
ഏഷ്യാനെറ്റ് ന്യൂസ് ലൈവ് യൂട്യൂബിൽ കാണാം
