ഗതാഗത രംഗത്ത് വിപ്ലവം സൃഷിക്കാൻ ദുബൈ ലൂപ്; വരൂന്നൂ ഇലോൺ മസ്കിന്‍റെ ഭൂഗർഭ പാത

നഗരത്തിലെ ഏറ്റവും തിരക്കേറിയ പ്രദേശങ്ങളെ ബന്ധിപ്പിക്കുന്ന ദുബൈ ലൂപിൽ മണിക്കൂറിൽ 20,000 യാത്രക്കാരെ ഉൾക്കൊള്ളാനാകും.  

ദുബൈ: ദുബൈ നഗരത്തിൽ ഗതാഗത വിപ്ലവം സൃഷ്ടിക്കാൻ പുതിയ പദ്ധതി. നഗരത്തിലെ ജനസാന്ദ്രത കൂടിയ പ്രദേശങ്ങളെ തമ്മില്‍ ബന്ധിപ്പിക്കുന്ന ഭൂഗർഭ ഗതാഗത സംവിധാനം ദുബൈ ലൂപ് പദ്ധതി പ്രഖ്യാപിച്ചിരിക്കുകയാണ്. ഭൂ​ഗ​ർ​ഭ പാ​ത​യു​ടെ നി​ർ​മാ​ണ​ത്തി​ന്​ ദു​ബൈ റോ​ഡ്​ ഗ​താ​ഗ​ത അ​തോ​റി​റ്റി​യും(​ആ​ർടിഎ) അ​മേ​രി​ക്ക​ൻ ടെ​ക്​ ഭീ​മ​ൻ ഇ​ലോ​ൺ മ​സ്കി​ന്‍റെ ബോ​റി​ങ് ക​മ്പ​നി​യും ക​രാ​റി​ൽ ഒ​പ്പി​ട്ടു. ദു​ബൈ ലൂ​പ് എ​ന്ന പേ​രി​ലാണ് ഭൂഗർഭ പാത നിര്‍മ്മിക്കുന്നത്. 

പദ്ധതിയുടെ വിശദാംശങ്ങൾ ദുബൈ കിരീടാവകാശിയും യുഎഇ ഉപപ്രധാനമന്ത്രിയും പ്രതിരോധ മന്ത്രിയും ദുബായ് എക്‌സിക്യൂട്ടീവ് കൗൺസിൽ ചെയർമാനുമായ ശൈഖ് ഹംദാൻ ബിൻ മുഹമ്മദ് ബിൻ റാഷിദ് അൽ മക്തൂം വെളിപ്പെടുത്തി. ഗതാഗതത്തിൽ വിപ്ലവം സൃഷ്ടിക്കാനാണ് പദ്ധതിയെന്ന് അദ്ദേഹം പറഞ്ഞു.  17 കിലോമീറ്റർ നീളമാണ് പദ്ധതിയ്ക്ക്. മണിക്കൂറിൽ 20,000 യാത്രക്കാരെ ഉൾക്കൊള്ളുന്ന തുരങ്കത്തിനായി 11 സ്റ്റേഷനുകൾ ഉണ്ടാകുമെന്നും അദ്ദേഹം അറിയിച്ചു.  ദുബൈയിലെ ഏറ്റവും തിരക്കേറിയ പ്രദേശങ്ങളെ ബന്ധിപ്പിക്കുന്നതാണ് ഈ പാത. 

ഇ​ലോ​ൺ മ​സ്ക്​ പ​​ങ്കെ​ടു​ത്ത ലോ​ക സ​ർ​ക്കാ​ർ ഉ​ച്ച​കോ​ടി​യി​ലെ സെ​ഷ​നി​ൽ യുഎഇ നി​ർ​മി​ത​ബു​ദ്ധി, ഡി​ജി​റ്റ​ൽ ഇ​​ക്കോ​ണ​മി, റി​മോ​ട്ട്​ വ​ർ​ക്ക് ആ​പ്ലി​ക്കേ​ഷ​ൻ വ​കു​പ്പ്​ മ​ന്ത്രി ഉ​മ​ർ സു​ൽ​ത്താ​ൻ അ​ൽ ഉ​ല​മ​യാ​ണ് പുതിയ​ പ​ദ്ധ​തി സം​ബ​ന്ധി​ച്ച്​ വെ​ളി​പ്പെ​ടു​ത്തൽ നടത്തിയത്. ലോ​ക സ​ർ​ക്കാ​ർ ഉ​ച്ച​കോ​ടി​യി​ൽ ശൈ​ഖ്​ ഹം​ദാ​ന്‍റെ സാ​ന്നി​ധ്യ​ത്തി​ലാ​ണ്​ ബോ​റി​ങ്​ ക​മ്പ​നി​യും ആ​ർടി.എ​യും ക​രാ​റി​ൽ ഒ​പ്പു​വെ​ച്ച​ത്. യുഎ​സി​ലെ ലാ​സ്​ വ​ഗാ​സ്​ ന​ഗ​ര​ത്തി​ൽ ബോ​റി​ങ്​ ക​മ്പ​നി നി​ർ​മി​ച്ച ഭൂ​ഗ​ർ​ഭ പാ​ത​യു​ടെ രീ​തി ​ത​ന്നെ​യാ​ണ്​ ദു​ബൈ​യി​ലും പി​ന്തു​ട​രാ​ൻ പോ​കു​ന്ന​തെ​ന്നാ​ണ്​ പ്രതീക്ഷിക്കുന്നത്. അ​തി​ശ​യ​ക​ര​മാ​യ സം​വി​ധാ​ന​മാ​യി​രി​ക്കു​മി​തെ​ന്നും ഒ​രി​ക്ക​ൽ അ​നു​ഭ​വി​ച്ച​വ​ർ അ​തി​ഷ്ട​പ്പെ​ടു​മെ​ന്നും ഇ​ലോ​ൺ മ​സ്ക്​ പ​റ​ഞ്ഞു. 

ഭൂ​ക​മ്പവും പേമാരിയും ഉൾപ്പെടെയുള്ള പ്രകൃതി ദുരന്തത്തിന്‍റെ സമയത്തും ഏ​റ്റ​വും സു​ര​ക്ഷി​ത​മാ​യ ഗ​താ​ഗ​ത സം​വി​ധാ​ന​മാ​ണ്​ ഭൂ​ഗ​ർ​ഭ​പാ​ത​യെ​ന്നും മ​ന്ത്രി ഉ​മ​ർ സു​ൽ​ത്താ​ൻ അ​ൽ ഉ​ല​മ​യു​ടെ ചോ​ദ്യ​ത്തി​ന്​ മ​റു​പ​ടി​യാ​യി മ​സ്ക്​ വ്യ​ക്​​ത​മാ​ക്കി. ലൂ​പി​ലൂ​ടെ ഒ​രു സ്ഥലത്ത് നിന്ന്​ ല​ക്ഷ്യ​സ്ഥാ​ന​ത്തേ​ക്ക്​ സ്​​റ്റോ​പ്പി​ല്ലാ​തെ സ​ഞ്ച​രി​ക്കു​ന്ന വാ​ഹ​നം മ​ണി​ക്കൂ​റി​ൽ 160 കിലോമീ​റ്റ​ർ വേ​ഗ​തയിലാണ്​ ഓ​ടു​ക. ഇ​ല​ക്​​ട്രി​ക്​ വാ​ഹ​ന​ങ്ങ​ളാ​ണ്​ ഇ​തി​നാ​യി ഉ​പ​യോ​ഗ​പ്പെ​ടു​ത്തു​ന്ന​ത്.​ 

ഏഷ്യാനെറ്റ് ന്യൂസ് ലൈവ് യുട്യൂബിൽ കാണാം