പ്രവാസി മലയാളി സൗദിയിൽ മരിച്ചു, വിട പറഞ്ഞത് എറണാകുളം സ്വദേശിനി

എറണാകുളം സ്വദേശിനി സൂസി ഫ്രാൻസിസ് ചക്കാലക്കൽ ആണ് മരിച്ചത്

ദമ്മാം: പ്രവാസി മലയാളി സൗദി അറേബ്യയിൽ മരിച്ചു. എറണാകുളം പാലാരിവട്ടം സ്വദേശിനി പല്ലിശ്ശേരി റോഡ്, ചക്കാലക്കൽ സൂസി ഫ്രാൻസിസ് ചക്കാലക്കൽ ആണ് മരിച്ചത്. 62 വയസ്സായിരുന്നു. ഹൃദയാഘാതമാണ് മരണകാരണം. അസുഖബാധിതയായി ദമ്മാമിലെ സ്വകാര്യ ആശുപത്രിയിൽ ചികിത്സയിൽ കഴിയവേയാണ് അന്ത്യം. 

ഭർത്താവ് ഫ്രാൻസിസ് ജോർജ് ദമാമിലുള്ള ഒരു സ്വകാര്യ കമ്പനിയിൽ ജോലി ചെയ്തുവരികയാണ്. മക്കൾ: രശ്മി റീറ്റ ഫ്രാൻസിസ്, രേഷ്മ ഫിലോമിന ഫ്രാൻസിസ്. നിയമനടപടികൾ പൂർത്തീകരിച്ച് മൃതദേഹം ഇന്ന് രാത്രി ദമ്മാം രാജ്യാന്തര വിമാനത്താവളത്തിൽ നിന്ന് നാട്ടിലെത്തിക്കുമെന്ന് ബന്ധപ്പെട്ടവർ അറിയിച്ചു. സംസ്കാരം പിന്നീട് നാട്ടിൽ നടക്കും.    

ഏഷ്യാനെറ്റ് ന്യൂസ് ലൈവ് യൂട്യൂബിൽ കാണാം