കുവൈത്തില് പ്രവാസി തീകൊളുത്തി ജീവനൊടുക്കി
Synopsis
പ്രവാസി തീകൊളുത്തി ആത്മഹത്യ ചെയ്യുകയായിരുന്നെന്ന് ദൃക്സാക്ഷി മൊഴി നൽകി.
കുവൈത്ത് സിറ്റി: കുവൈത്തിലെ ഹവല്ലി മേഖലയിൽ ഏഷ്യക്കാരനായ പ്രവാസി തീകൊളുത്തി ജീവനൊടുക്കി. സംഭവത്തെക്കുറിച്ച് ആഭ്യന്തര മന്ത്രാലയത്തിന് റിപ്പോർട്ട് ലഭിക്കുകയും ഇതേ തുടര്ന്ന് സുരക്ഷാ ഉദ്യോഗസ്ഥര് സ്ഥലത്തെത്തുകയും ചെയ്തു. എന്നാല് കത്തിക്കരിഞ്ഞ നിലയില് മൃതദേഹം കണ്ടെത്തുകയായിരുന്നു.
പ്രവാസി തീകൊളുത്തി ആത്മഹത്യ ചെയ്യുകയായിരുന്നെന്ന് ദൃക്സാക്ഷി മൊഴി നൽകി. പ്രോസിക്യൂഷൻറെ ഉത്തരവിനെ തുടർന്ന് ആത്മഹത്യയ്ക്ക് കേസ് രജിസ്റ്റർ ചെയ്തിട്ടുണ്ട്. മൃതദേഹം ഫോറൻസിക് പരിശോധനയ്ക്ക് അയച്ചു.
Read Also - സൗദിയില് വന് ലഹരിമരുന്ന് വേട്ട; 65 കോടി മയക്കുമരുന്ന് ഗുളികൾ കടത്താനുള്ള ശ്രമം തടഞ്ഞു
കുവൈത്തില് വന് ലഹരിമരുന്ന് വേട്ട; കടല് മാര്ഗം കടത്തിയ 100 കിലോ ഹാഷിഷ് പിടികൂടി
കുവൈത്ത് സിറ്റി: കുവൈത്തില് വന് ലഹരിമരുന്ന് കടത്ത് പരാജയപ്പെടുത്തി അധികൃതര്. കടല് മര്ഗം രാജ്യത്തേക്ക് കടത്താന് ശ്രമിച്ച 100 കിലോഗ്രാ ഹാഷിഷ് ആണ് ജനറല് ഡിപ്പാര്ട്ട്മെന്റ് ഓഫ് നാര്കോട്ടിക്സ് കണ്ട്രോള് പിടിച്ചെടുത്തത്.
വിപണിയില് വന് തുക വില വരുന്ന ലഹരിമരുന്നാണ് പിടിച്ചെടുത്തത്. രാജ്യത്തിന് അകത്ത് വിതരണം ചെയ്യാന് ലക്ഷ്യമിട്ടാണ് ലഹരിമരുന്ന് കടത്തിയത്. ലഹരി മരുന്ന് കടത്തുമായി ബന്ധപ്പെട്ട ഒരു സ്വദേശി പൗരനെ അറസ്റ്റ് ചെയ്തു. ലഹരിമരുന്ന് കടത്ത് തടയുന്നതിനുള്ള ആഭ്യന്തര മന്ത്രാലയത്തിന്റെ ശ്രമങ്ങളുടെ ഭാഗമാണ് നടപടി.
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ Asianet News Malayalam