ഹൃദയാഘാതം, പ്രവാസി മലയാളി ജിദ്ദയിൽ നിര്യാതനായി

30 വർഷത്തോളമായി സൗദിയിൽ പ്രവാസിയാണ്

ജിദ്ദ: സൗദി അറേബ്യയിൽ പ്രവാസി മലയാളി നിര്യാതനായി. കാസർകോട് പുത്തിം​ഗ അം​ഗടിമോ​ഗരു സ്വദേശി കമ്മാണ്ടലം മുഹമ്മദ് സൂപ്പിയാണ് ജിദ്ദയിൽ മരിച്ചത്. ഇന്നലെ രാവിലെ താമസസ്ഥലത്ത് വെച്ച് ഹൃദയാഘാതം സംഭവിക്കുകയായിരുന്നു. 30 വർഷത്തോളമായി സൗദിയിൽ പ്രവാസിയാണ്. ജിദ്ദയിലെ ഹയ്യ നഹദയിൽ സൂപ്പർ മാർക്കറ്റിൽ ജോലി ചെയ്ത് വരികയായിരുന്നു. താഹിറയാണ് ഭാര്യ. മക്കൾ: സുഹൈൽ, സാഹിബ, സൗദത്ത്, സമഹ, സുമൈൽ. മൃതദേഹം ജിദ്ദയിലെ കിങ് ഫഹദ് ആശുപത്രിയിൽ സൂക്ഷിച്ചിരിക്കുകയാണ്. നിയമ നടപടികൾ പൂർത്തിയാക്കി ജിദ്ദയിൽ തന്നെ ഖബറടക്കുമെന്ന് ബന്ധപ്പെട്ടവർ അറിയിച്ചു.