പ്രവാസി മലയാളി ഖത്തറിൽ മരിച്ചനിലയിൽ, വിട വാങ്ങിയത് തൃശൂർ സ്വദേശി

തൃശൂർ മഠത്തുംപടി സ്വദേശി ​ഗോകുൽ ദിനേശാണ് മരിച്ചത്

ദോഹ: ഖത്തറിൽ പ്രവാസി മലയാളി മരണപ്പെട്ടു. തൃശൂർ മഠത്തുംപടി സ്വദേശി ചാത്തൻതറ വീട്ടിൽ ​ഗോകുൽ ദിനേശാണ് മരിച്ചത്. 33 വയസ്സായിരുന്നു. ദോഹ മത്താർ ഖദീമിലെ താമസസ്ഥലത്ത് മരിച്ച നിലയിൽ കണ്ടെത്തുകയായിരുന്നു. നിഹ്മ ദോഹ ട്രേഡിങ് ആൻഡ് കോൺട്രാക്റ്റിങ് കമ്പനിയിൽ ജോലി ചെയ്തുവരികയായിരുന്നു. പിതാവ്: ദിനേശൻ ചാത്തൻതറ സുബ്രഹ്മണ്യൻ. മാതാവ്: രമ ദിനേശൻ. അക്ഷയ ദർബിയാണ് ഭാര്യ. നടപടിക്രമങ്ങൾ പൂർത്തിയാക്കി മൃതദേഹം നാട്ടിലേക്ക് കൊണ്ടുപോകുമെന്ന് കെ.എം.സി.സി ഖത്തർ അൽ ഇഹ്‌സാൻ മയ്യിത്ത് പരിപാലന കമ്മിറ്റി ഭാരവാഹികൾ അറിയിച്ചു. 

ഏഷ്യാനെറ്റ് ന്യൂസ് ലൈവ് യൂട്യൂബിൽ കാണാം