ഷാര്ജയില് ട്രാഫിക് പിഴയില് 50 ശതമാനം ഇളവ് നാളെ അവസാനിക്കും
Synopsis
ട്രാഫിക് പിഴകള് ഉള്ളവര്ക്ക് പകുതി നിരക്കില് പിഴയടയ്ക്കാന് ലഭിക്കുന്ന മികച്ച അവസരമാണിതെന്ന് അധികൃതര് വ്യക്തമാക്കി.
ഷാര്ജ: ഗതാഗത പിഴകളില് 50 ശതമാനം ഇളവ് ഓഫര് പ്രയോജനപ്പെടുത്താന് പൊതുജനങ്ങളോട് ആഹ്വാനം ചെയ്ത് ഷാര്ജ റോഡ്സ് ആന്ഡ് ട്രാന്സ്പോര്ട്ട് അതോറിറ്റി. ഈ ആനുകൂല്യം ജൂലൈ 31 ഞായറാഴ്ച അവസാനിക്കും.
ട്രാഫിക് പിഴകള് ഉള്ളവര്ക്ക് പകുതി നിരക്കില് പിഴയടയ്ക്കാന് ലഭിക്കുന്ന മികച്ച അവസരമാണിതെന്ന് അധികൃതര് വ്യക്തമാക്കി. ട്രാഫിക് പിഴകള് എസ്ആര്ടിഎയുടെ വെബ്സൈറ്റായ www.srta.gov.ae വഴി അടയ്ക്കാവുന്നതാണ്. ഇതിന് പുറമെ അല് അസാറയിലുള്ള ഹെഡ്ക്വാട്ടേഴ്സ്, ഖോര്ഫക്കാന്, കല്ബ എന്നിവിടങ്ങളിലുള്ള ഓഫീസുകളിലും പിഴയടയ്ക്കാന് സൗകര്യമുണ്ടെന്ന് അധികൃതര് അറിയിച്ചു.
ഹിജ്റ വര്ഷാരംഭം; ദുബൈയില് സൗജന്യ പാര്ക്കിങ് പ്രഖ്യാപിച്ചു
അബുദാബി ഫാര്മസികളില് ഇനി കൊവിഡ് വാക്സിനും പിസിആര് പരിശോധനയും
അബുദാബി: കൊവിഡ് വാക്സിനും പിസിആര് ടെസ്റ്റുകളും ഇനി അബുദാബിയിലെ ഫാര്മസികളും ലഭ്യമാകുമെന്ന് അബുദാബി ആരോഗ്യ വിഭാഗം അറിയിച്ചു. കൊവിഡ് വാക്സിന് സൗജന്യമായിരിക്കും. പിസിആര് പരിശോധനയ്ക്ക് 40 ദിര്ഹമാണ് ഈടാക്കുക. ഈ സംവിധാനം നിലവില് വന്നു.
പുതിയ തീരുമാനത്തോടെ ജനങ്ങള്ക്ക് കൂടുതല് സൗകര്യപ്രദമായി ഇത്തരം സേവനങ്ങള് ഉപയോഗിക്കാം. 18 വയസ്സ് പൂര്ത്തിയായ ആര്ക്കും കൊവിഡ് വാക്സിന് സ്വീകരിക്കാം. വൈകാതെ തന്നെ ഫ്ലൂവിനും, യാത്രകള്ക്കും മറ്റും ആവശ്യമായ വാക്സിനുകളും ഇത്തരത്തില് ലഭ്യമാക്കുമെന്ന് അധികൃതര് അറിയിച്ചു.
ഡിഒഎച്ച് നല്കുന്ന കോഴ്സുകള് പൂര്ത്തിയാക്കിയ ശേഷമാണ് നിരവധി ഫാര്മസികള് വാക്സിനുകള് നല്കുന്നതിലേക്ക് കടന്നത്. ഇവര്ക്ക് ആരോഗ്യ വിഭാഗം ഇതിനുള്ള അനുവാദവും ലൈസന്സിനൊപ്പം നല്കിയിട്ടുണ്ട്.
യുഎഇ പ്രളയം; ഏഴ് പ്രവാസികള് മരിച്ചു
യുഎഇയില് ലഭിച്ചത് 27 വര്ഷത്തിനിടയിലെ ഏറ്റവും വലിയ മഴ
ഫുജൈറ: കഴിഞ്ഞ ദിവസം യുഎഇയില് രേഖപ്പെടുത്തിയത് 27 വര്ഷത്തിനിടയിലെ ഏറ്റവും വലിയ മഴ. രാജ്യത്തെ ദേശീയ കാലവസ്ഥാ നീരിക്ഷണ കേന്ദ്രമാണ് ഇക്കാര്യം അറിയിച്ചത്. ഫുജൈറയില് ബുധനാഴ്ച പെയ്ത അതിശക്തമായ മഴയെ തുടര്ന്ന് നിരവധി സ്ഥലങ്ങളില് വെള്ളം കയറിയിരുന്നു. യുഎഇ സൈന്യത്തിന്റെ നേതൃത്വത്തില് വിവിധ വകുപ്പുകളുടെ സഹകരണത്തോടെ വന്തോതിലുള്ള രക്ഷാപ്രവര്ത്തനങ്ങളാണ് പിന്നീട് നടന്നത്.
ഡ്രൈവിങിനിടെ മൊബൈല് ഉപയോഗം; ഒരു ലക്ഷത്തിലേറെ പേര്ക്ക് പിഴ ചുമത്തിയതായി പോലീസ്
ഫുജൈറ പോര്ട്ട് സ്റ്റേഷനിലാണ് രാജ്യത്ത് ഏറ്റവുമധികം മഴ രേഖപ്പെടുത്തിയത്. 255.2 മില്ലീമീറ്റര് മഴ ഇവിടെ ലഭിച്ചുവെന്നാണ് കണക്ക്. ഇത് ജൂലൈ മാസത്തില് യുഎഇയില് ഇതുവരെ വരെ ലഭിച്ചിട്ടുള്ള ഏറ്റവും വലിയ മഴയാണ്. 209.7 മില്ലീമീറ്റര് മഴ ലഭിച്ച മസാഫിയാണ് മഴയുടെ കാര്യത്തില് രണ്ടാം സ്ഥാനത്ത്. ഫുജൈറ വിമാനത്താവളത്തില് 197.9 മില്ലീമീറ്റര് മഴ ലഭിച്ചു. ശക്തമായ മഴ തുടരാനുള്ള സാധ്യത കണക്കിലെടുത്ത് വ്യാഴാഴ്ച ഫുജൈറയില് റെഡ് അലെര്ട്ടും റാസല്ഖൈമയില് ഓറഞ്ച് അലെര്ട്ടും പ്രഖ്യാപിച്ചിരുന്നു. കിഴക്കന് മേഖലയിലാകെ യെല്ലാം അലെര്ട്ടും നിലവിലുണ്ടായിരുന്നു.
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam, World Pravasi News, Keralites Abroad News, NRI Malayalis News ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ