മംഗഫിൽ അപ്പാർട്ട്മെന്‍റ് കെട്ടിടത്തിൽ തീപിടിത്തം; രണ്ട് പേർക്ക് പരിക്ക്

കുവൈത്തിലെ മംഗഫിൽ അപ്പാർട്ട്മെന്‍റ് കെട്ടിടത്തിൽ വെള്ളിയാഴ്ച പുലർച്ചെ തീപിടിത്തമുണ്ടായി. അഗ്നിശമന സേനാംഗങ്ങൾ സ്ഥലത്തെത്തി ആളുകളെ സുരക്ഷിതമായി ഒഴിപ്പിക്കുകയും തീ അണയ്ക്കുകയും ചെയ്തു. അപകടത്തിൽ പരിക്കേറ്റ രണ്ടുപേരെ അധികൃതർക്ക് കൈമാറി.

കുവൈത്ത് സിറ്റി: മംഗഫ് പ്രദേശത്തെ ഒരു അപ്പാർട്ട്മെന്‍റ് കെട്ടിടത്തിൽ വെള്ളിയാഴ്ച പുലർച്ചെയുണ്ടായ തീപിടിത്തത്തിൽ രണ്ട് പേർക്ക് പരിക്കേറ്റു. വിവരമറിഞ്ഞ് മംഗഫ് സെൻട്രൽ, ഫഹാഹീൽ ഫയർ സ്റ്റേഷനുകളിൽ നിന്നുള്ള അഗ്നിശമന സേനാംഗങ്ങൾ സ്ഥലത്തെത്തി രക്ഷാപ്രവർത്തനം നടത്തി. കെട്ടിടത്തിലുണ്ടായിരുന്നവരെ സുരക്ഷിതമായി ഒഴിപ്പിച്ച ശേഷം തീ നിയന്ത്രണവിധേയമാക്കി പൂർണമായും അണച്ചു. പരിക്കേറ്റ രണ്ടുപേരെയും തുടർനടപടികൾക്കായി ബന്ധപ്പെട്ട അധികൃതർക്ക് കൈമാറിയതായി റിപ്പോർട്ടിൽ പറയുന്നു.