ഇന്ത്യയില് നിന്നുള്ള യാത്രക്കാരനും കുടുംബത്തിനും വിമാനത്തില് വെച്ച് ഇത്തിഹാദിന്റെ സര്പ്രൈസ്
Synopsis
യാത്രക്കാരനും കുടുംബത്തിനും കേക്കും സമ്മാനമായി മടക്കയാത്രക്കുള്ള ടിക്കറ്റും ഇത്തിഹാദ് സമ്മാനിച്ചു. ഒപ്പം ഇത്തിഹാദ് ഗസ്റ്റിലെ ഗോള്ഡ് മെമ്പര്ഷിപ്പും മനാഹരമായ ഈ നിമിഷങ്ങള് പകര്ത്താന് ഒരു പോളറോയിഡ് ക്യാമറയും ജീവനക്കാര് നല്കി.
അബുദാബി: ഇന്ത്യയില് നിന്നുള്ള യാത്രക്കാരനും കുടുംബത്തിനും അബുദാബിയിലേക്കുള്ള വിമാനത്തില് വെച്ച് ഇത്തിഹാദ് എയര്വെയ്സിന്റെ സര്പ്രൈസ്. മുംബൈയില് നിന്ന് അബുദാബിയിലേക്ക് ഇ.വൈ 205 വിമാനത്തില് യാത്ര ചെയ്ത ആ ഇന്ത്യക്കാരന് ഇത്തിഹാദിനെ സംബന്ധിച്ചിടത്തോളം ഏറെ പ്രധാന്യമുള്ള ഒരാളിയിരുന്നു. മറ്റൊരുന്നുമല്ല ഇത്തിഹാദില് ഇതുവരെ യാത്ര ചെയ്തിട്ടുള്ളവരുടെ എണ്ണം ഈ വര്ഷം ഒരു കോടി തികഞ്ഞത് അയാളിലൂടെയായിരുന്നു.
യാത്രക്കാരനും കുടുംബത്തിനും കേക്കും സമ്മാനമായി മടക്കയാത്രക്കുള്ള ടിക്കറ്റും ഇത്തിഹാദ് സമ്മാനിച്ചു. ഒപ്പം ഇത്തിഹാദ് ഗസ്റ്റിലെ ഗോള്ഡ് മെമ്പര്ഷിപ്പും മനാഹരമായ ഈ നിമിഷങ്ങള് പകര്ത്താന് ഒരു പോളറോയിഡ് ക്യാമറയും ജീവനക്കാര് നല്കി. 10 ലക്ഷം യാത്രക്കാരെന്ന നിര്ണായക നാഴികക്കല്ല് പിന്നിടാന് സഹായിച്ച എല്ലാ യാത്രക്കാര്ക്കും നന്ദി അറിയിക്കുന്നതായി ഇത്തിഹാദ് എയര്വെയ്സ് ചീഫ് എക്സിക്യൂട്ടീവ് ഓഫീസര് ആന്റോനോവാല്ഡോ നീവ്സ് പറഞ്ഞു.
Read also: അധ്യാപക ജോലിയിലും സ്വദേശിവത്കരണം നടപ്പാക്കും; രണ്ട് ഘട്ടമായി പ്രവാസികളെ ഒഴിവാക്കുമെന്ന് മന്ത്രി
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ Asianet News Malayalam