മൂപ്പത് വയസിനടുത്ത് പ്രായമുള്ള സ്വദേശി യുവാവും രണ്ട് യെമന്‍ സ്വദേശികളുമാണ് അറസ്റ്റിലായത്. ചോദ്യം ചെയ്യലില്‍ ഇവര്‍ കുറ്റം സമ്മതിച്ചു.
റിയാദ്: സൗദി അറേബ്യയിലെ തായിഫില്‍ സുരക്ഷാ ഉദ്യഗസ്ഥരെന്ന വ്യാജേന കവര്‍ച്ച നടത്തിയ സംഘത്തെ അറസ്റ്റ് ചെയ്‍തു. ഒരു വ്യാപാര സ്ഥാപനത്തില്‍ നിന്ന് 15,000 റിയാലും ജീവനക്കാരുടെ കൈവശമുണ്ടായിരുന്ന വിലപിടിപ്പുള്ള സാധനങ്ങളുമാണ് കവര്‍ന്നത്.
മൂപ്പത് വയസിനടുത്ത് പ്രായമുള്ള സ്വദേശി യുവാവും രണ്ട് യെമന്‍ സ്വദേശികളുമാണ് അറസ്റ്റിലായത്. ചോദ്യം ചെയ്യലില്‍ ഇവര്‍ കുറ്റം സമ്മതിച്ചു. പ്രതികള്‍ക്കെതിരെ നിയമനടപടികള്‍ സ്വീകരിക്കാന്‍ ഇവരെ പ്രോസിക്യൂഷന് കൈമാറിയിട്ടുണ്ട്. പ്രതികളുടെ വീഡിയോ ദൃശ്യങ്ങളും ആഭ്യന്തര മന്ത്രാലയം പുറത്തുവിട്ടു.