കര്ശന പരിശോധന തുടരുന്നു; നിയമലംഘകരായ 85 പ്രവാസികള് അറസ്റ്റില്
Synopsis
പിടിയിലായവരെ തുടര് നിയമ നടപടികള്ക്കായി ബന്ധപ്പെട്ട വകുപ്പുകള്ക്ക് കൈമാറി.
കുവൈത്ത് സിറ്റി: കുവൈത്തില് ജനറല് അഡ്മിനിസ്ട്രേഷന് ഓഫ് റെസിഡന്സ് അഫയേഴ്സ് വിവിധ പ്രദേശങ്ങളില് നടത്തിവരുന്ന പരിശോധനകളില് നിയമലംഘകരായ 85 പ്രവാസികളെ അറസ്റ്റ് ചെയ്തു. താമസ, തൊഴില് നിയമങ്ങള് ലംഘിച്ചവരാണ് പിടിയിലായത്.
ഫര്വാനിയ ഗവര്ണറേറ്റില് നടത്തിയ പരിശോധനകളിലാണ് ഇവര് പിടിയിലായത്. ഫര്വാനിയ, ജലീബ് അല് ഷുയൂഖ്, ഖൈത്താന് എന്നിവിടങ്ങളിലും പരിശോധന നടത്തി. ഇതിന് പുറമെ അഹ്മദി ഗവര്ണറേറ്റിലെ മഖ്ബൂല, മംഗഫ് ഏരിയകളിലും അികൃതര് പരിശോധനകള് നടത്തിയിരുന്നു. പിടിയിലായവരെ തുടര് നിയമ നടപടികള്ക്കായി ബന്ധപ്പെട്ട വകുപ്പുകള്ക്ക് കൈമാറി.
Read Also - ഡീസല് കള്ളക്കടത്ത്; സബ്സിഡി ഡീസല് വില്പ്പന നടത്തിയ പ്രവാസികള് അറസ്റ്റില്
കുവൈത്തിലെ ഇന്ത്യന് മൈനകള് ഭീഷണിയാകുമോ? വ്യക്തമാക്കി പരിസ്ഥിതി നിരീക്ഷണ സമിതി
കുവൈത്ത് സിറ്റി: കുവൈത്തിലെ ഇന്ത്യന് മൈനകള് രാജ്യത്തിന്റെ പരിസ്ഥിതിക്ക് ഭീഷണിയല്ലെന്ന് വ്യക്തമാക്കി കുവൈത്ത് പരിസ്ഥിതി നിരീക്ഷണ സമിതി. രാജ്യത്തിന്റെ വന്യജീവി സമ്പത്തിനെ സഹായിക്കുന്ന പക്ഷികളാണ് ഇന്ത്യന് മൈനകളെന്ന് സമിതി അറിയിച്ചു.
സമൂഹവുമായി ഇണങ്ങി ജീവിക്കുന്ന, ബുദ്ധിയുള്ള പക്ഷികളാണ് മൈനകള്. ഇവയ്ക്ക് നിരവധി ശബ്ദങ്ങള് പുറപ്പെടുവിക്കാനുള്ള കഴിവുണ്ടെന്നും വ്യത്യസ്ത പരിസ്ഥിതിയുമായി ഇണങ്ങി ചേരുന്നവയാണെന്നും കുവൈത്ത് പരിസ്ഥിതി നിരീക്ഷണ സമിതി തലവന് റാഷിദ് അല് ഹാജ്ജി പറഞ്ഞു. മൂന്ന് പതിറ്റാണ്ടുകളായി കുവൈത്തിന് പരിചിതമായ പക്ഷികളാണിവ. ദക്ഷിണ ഏഷ്യയില് നിന്നുള്ളവയാണെങ്കിലും അറബ് രാജ്യങ്ങളിലും ഇന്ത്യന് മൈനകള് പലപ്പോഴായി കുടിയേറിയിട്ടുണ്ട്.
ഇപ്പോള് ഗള്ഫ് രാജ്യങ്ങളിലും ഇന്ത്യന് മൈനകള് വ്യാപകമാണ്. പ്രാദേശിക കാലാവസ്ഥ വെല്ലുവിളികളെ അതിജീവിച്ച് അവയുമായി ഇന്ത്യന് മൈനകള് പൊരുത്തപ്പെട്ടു കഴിഞ്ഞു. ഇന്ത്യന് മൈനകള് പരിസ്ഥിതി പ്രശ്നങ്ങള് ഉണ്ടാക്കുനെന്ന പരാതിയെ തുടര്ന്നുള്ള അന്വേഷണത്തിലാണ് ഇവ ഭീഷണിയല്ലെന്ന് അധികൃതര് വ്യക്തമാക്കിയത്.
ഏഷ്യാനെറ്റ് ന്യൂസ് ലൈവ് യൂട്യൂബില് കാണാം...
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ Asianet News Malayalam