ന്യൂനമര്ദ്ദം; അടുത്ത രണ്ട് ദിവസങ്ങളിലും മഴ തുടരാന് സാധ്യത, അറിയിപ്പ് നല്കി ഒമാന് അധികൃതര്
Synopsis
വാദികള് നിറഞ്ഞൊഴുകും. മഴയ്ക്കൊപ്പം ആലിപ്പഴ വര്ഷവും ഉണ്ടാകും. മണിക്കൂറില് 27 മുതല് 83 കിലോമീറ്റര് വരെ വേഗത്തില് കാറ്റ് വീശാന് സാധ്യതയുണ്ട്.
മസ്കറ്റ്: ന്യൂനമര്ദ്ദത്തിന്റെ ഭാഗമായി ഒമാനില് അടുത്ത രണ്ട് ദിവസങ്ങളിലും മഴ തുടരാന് സാധ്യതയുണ്ടെന്ന് കാലാവസ്ഥാ നിരീക്ഷണകേന്ദ്രത്തിന്റെ അറിയിപ്പ്. തെക്കന് ശര്ഖിയ, അല് വുസ്ത, ദോഫാര് ഗവര്ണറേറ്റുകളിലും ജബല് അഖ്ദര് സമീപത്തുമാകും കൂടുതല് മഴ ലഭിക്കുക.
വാദികള് നിറഞ്ഞൊഴുകും. മഴയ്ക്കൊപ്പം ആലിപ്പഴ വര്ഷവും ഉണ്ടാകും. മണിക്കൂറില് 27 മുതല് 83 കിലോമീറ്റര് വരെ വേഗത്തില് കാറ്റ് വീശാന് സാധ്യതയുണ്ട്. പൊടി ഉയരുന്നത് ദൂരക്കാഴ്ചയെ ബാധിക്കും. വാദികളില് നീന്താന് ശ്രമിക്കരുതെന്നും താഴ്ന്ന പ്രദേശങ്ങളില് നിന്ന് മാറി നില്ക്കണമെന്നും കാലാവസ്ഥ നിരീക്ഷണ കേന്ദ്രം അറിയിച്ചു. കുട്ടികള് വാദികളില് എത്താതെ രക്ഷിതാക്കള് ശ്രദ്ധിക്കണമെന്നും അധികൃതര് മുന്നറിയിപ്പ് നല്കി. സഹം, അബ്രി, ബഹ്ല, നിസ്വ, മുദൈബി എന്നീ പ്രദേശങ്ങളില് കഴിഞ്ഞ ദിവസങ്ങളില് ഭേദപ്പെട്ട മഴ ലഭിച്ചിരുന്നു.
Read Also - തൊഴില് സമയം എട്ടു മണിക്കൂര്, അവധി വര്ധിപ്പിച്ചു; സുപ്രധാന പരിഷ്കരണങ്ങളുമായി ഒമാനില് പുതിയ തൊഴില് നിയമം
ശക്തമായ ഉഷ്ണതരംഗത്തിന് സാധ്യത, മുന്കരുതല് സ്വീകരിക്കണം; മുന്നറിയിപ്പ് നല്കി സൗദി ആരോഗ്യമന്ത്രാലയം
റിയാദ്: രാജ്യത്ത് താപനില ഉയരുന്ന സാഹചര്യത്തില് ഉഷ്ണതരംഗങ്ങളെ കരുതിയിരിക്കണമെന്ന് മുന്നറിയിപ്പ് നല്കി സൗദി ആരോഗ്യ മന്ത്രാലയം. പുറത്തിറങ്ങുമ്പോള് മുന്കരുതല് സ്വീകരിക്കണമെന്നും രാജ്യത്ത് ഉഷ്ണതരംഗത്തിനുള്ള സാധ്യതയുണ്ടെന്നും ഈ ആഴ്ച അവസാനം വരെ നീണ്ടും നിന്നേക്കാമെന്നും അധികൃതര് മുന്നറിയിപ്പ് നല്കി.
കനത്ത ചൂട് മുലമുണ്ടാകുന്ന അപകടസാധ്യതകള് വ്യക്തമാക്കുന്ന ഇന്ഫോഗ്രാഫിക് പോസ്റ്റ് ആരോഗ്യ മന്ത്രാലയം ട്വിറ്ററില് പങ്കുവെച്ചു. വരണ്ട ചര്മ്മം, സൂര്യാഘാതം എന്നിവയ്ക്കുള്പ്പെടെ ഉഷ്ണതരംഗങ്ങള് ഇടയാക്കും. രാവിലെ 11 മണിക്കും ഉച്ചയ്ക്ക് മൂന്നു മണിക്കും ഇടയില് വീടിന് പുറത്തിറങ്ങാതിരിക്കുകയോ അല്ലെങ്കില് തണലുള്ള സ്ഥലങ്ങളില് കഴിയുകയോ ചെയ്യുക, വെയിലില് നിന്ന് സംരക്ഷണം ലഭിക്കാന് നീളമുള്ള വസ്ത്രങ്ങള് ധരിക്കുക, തല മറയ്ക്കുക, സണ്സ്ക്രീന് ഉപയോഗിക്കുക, സണ് ഗ്ലാസ് ധരിക്കുക, ധാരാളം വെള്ളവും ദ്രാവകങ്ങളും കുടിക്കുക എന്നീ മുന്കരുതലുകള് ഉഷ്ണതരംഗങ്ങളെ ചെറുക്കാന് സ്വീകരിക്കുകയെന്നത് പ്രധാനമാണെന്നും ആരോഗ്യ മന്ത്രാലയം വ്യക്തമാക്കി. ഈ ആഴ്ച അവസാനം വരെ രാജ്യത്ത് ഉഷ്ണതരംഗങ്ങളുണ്ടാകുമെന്ന മുന്നറിയിപ്പ് ദേശീയ കാലാവസ്ഥ നിരീക്ഷണ കേന്ദ്രം പുറപ്പെടുവിച്ചിരുന്നു.
Read Also - പ്രവാസികള്ക്ക് ആശ്വാസം; നിര്ബന്ധിത ആരോഗ്യ ഇന്ഷുറന്സ് നടപ്പാക്കുന്നു
കിഴക്കന് പ്രവിശ്യകളില് താപനില 48 മുതല് 50 ഡിഗ്രി സെല്ഷ്യസ് വരെ എത്തിയേക്കും. റിയാദിന്റെ കിഴക്ക്, തെക്ക് ഭാഗങ്ങളിലും ഖസീമിന്റെ കിഴക്കന് ഭാഗങ്ങളിലും മദീനയുടെ പടിഞ്ഞാറന് പ്രദേശങ്ങളിലും 46 മുതല് 48 വരെയും താപനില ഉയരാം.
ഏഷ്യാനെറ്റ് ന്യൂസ് യൂട്യൂബില് കാണാം...
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ Asianet News Malayalam