Gulf News : കുവൈത്തില് റേഷന് ഭക്ഷ്യ വസ്തുക്കള് മറിച്ചുവിറ്റ ഇന്ത്യക്കാരന് അറസ്റ്റില്
Synopsis
സ്വദേശികള്ക്ക് കുവൈത്ത് സര്ക്കാര് നല്കുന്ന റേഷന് അരി, പാല്, പഞ്ചസാര, എണ്ണ എന്നിവ മറിച്ചു വിറ്റ ഇന്ത്യക്കാരന് അറസ്റ്റില്
കുവൈത്ത് സിറ്റി: കുവൈത്ത് സര്ക്കാര് സ്വദേശികള്ക്ക് നല്കുന്ന റേഷന് ഭക്ഷ്യ വസ്തുക്കള് നിയമവിരുദ്ധമായി വില്പന (selling ration food items) നടത്തിയ ഇന്ത്യക്കാരന് അറസ്റ്റില് (Indian arrested). ആഭ്യന്തര മന്ത്രാലയത്തിന് (Ministry of Interior) ലഭിച്ച പരാതിക്ക് പിന്നാലെ അധികൃതര് നടത്തിയ അന്വേഷണത്തിനൊടുവിലായിരുന്നു അറസ്റ്റ്. ഹവല്ലിയില് (Hawally) നിന്നാണ് ഇന്ത്യക്കാരന് പിടിയിലായതെന്ന് പ്രാദേശിക മാധ്യമങ്ങളുടെ റിപ്പോര്ട്ടുകള് വ്യക്തമാക്കുന്നു.
ഹവല്ലി ഏരിയയില് ഒരു കടയിലൂടെ റേഷന് സാധനങ്ങള് വില്ക്കുന്നുണ്ടെന്ന വിവരം ഒരു സ്വദേശിയാണ് അധികൃതരെ അറിയിച്ചത്. ഉടന് തന്നെ മന്ത്രാലയത്തില് നിന്നുള്ള ഉദ്യോഗസ്ഥര് സ്ഥലത്തെത്തി പരിശോധന നടത്തി. പാല്, അരി, പഞ്ചസാര, എണ്ണ എന്നിങ്ങനെയുള്ള റേഷന് സാധനങ്ങളാണ് ഇവിടെയുണ്ടായിരുന്നത്. കട നടത്തിയിരുന്നയാളുടെ രേഖകള് പരിശോധനിച്ചപ്പോള് ഇന്ത്യക്കാരനാണെന്ന് കണ്ടെത്തുകയായിരുന്നു. തൊഴില് നിയമം ലംഘിച്ചാണ് ഇയാള് ജോലി ചെയ്യുന്നതെന്നും ഉദ്യോഗസ്ഥരുടെ പരിശോധനയില് വ്യക്തമായി. ഇയാളെ കസ്റ്റഡിയിലെടുത്തിട്ടുണ്ട്. നിയമ നടപടികള് പൂര്ത്തിയാക്കിയ ശേഷം പ്രതിയെ നാടുകടത്തുമെന്ന് ഉദ്യോഗസ്ഥര് അറിയിച്ചു.
കുവൈത്ത് സിറ്റി: കുവൈത്തില് വിവിധ സുരക്ഷാ വകുപ്പുകള് പിടിച്ചെടുത്ത 16,674 കുപ്പി മദ്യം നശിപ്പിച്ചു. ആഭ്യന്തര മന്ത്രാലയത്തിന്റെ നേതൃത്വത്തിലായിരുന്നു നടപടി. ബന്ധപ്പെട്ട കേസുകളില് അന്തിമ വിധി വന്നതോടെയാണ് മദ്യക്കുപ്പികള് കൂട്ടത്തോടെ നശിപ്പിച്ചതെന്ന് അധികൃതര് പറഞ്ഞു.
രാജ്യത്ത് പരിശോധനകളില് പിടിച്ചെടുക്കുന്ന മദ്യം ഉപയോഗശൂന്യമാക്കി നശിപ്പിക്കതിനുള്ള 2016ലെ മന്ത്രിസഭാ തീരുമാനം അനുസരിച്ചാണ് നടപടിയെടുത്തതെന്ന് ആഭ്യന്തര മന്ത്രാലയത്തിലെ ജനറല് അഡ്മിനിസ്ട്രേഷന് ഒരു റിലേഷന്സ് ആന്റ് സെക്യൂരിറ്റി മീഡിയ അറിയിച്ചു. ജനറല് അഡ്മിനിസ്ട്രേഷന് ഓഫ് ഡ്രഗ് കണ്ട്രോള്, പൊലീസ്, കുവൈത്ത് മുനിസിപ്പാലിറ്റി, ജനറല് അഡ്മിനിസ്ട്രേഷന് ഒരു റിലേഷന്സ് ആന്റ് സെക്യൂരിറ്റി മീഡിയ തുടങ്ങിയ വകുപ്പുകളുടെ സഹകരണത്തോടെയായിരുന്നു നടപടികള്. ബുള്ഡോസറുകള് ഉപയോഗിച്ചാണ് മദ്യക്കുപ്പികള് നശിപ്പിച്ചത്.
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ Asianet News Malayalam