ഡോളർ ഡിമാൻഡ് ഉയർന്നു; ദിർഹത്തിനെതിരെ രൂപയ്ക്ക് ഇടിവ്

വ്യാഴാഴ്ച രൂപയുടെ വിനിമയനിരക്ക് ഡോളറിനെതിരെ 83.6850 (ദിർഹം നിരക്ക് 22.80) എന്ന നിലയിലായിരുന്നു.

ദുബൈ: ഡോളറിന്റെ ഡിമാൻഡ് വർധിച്ചതോടെ യുഎഇ ദിര്‍ഹത്തിനെതിരെ ഇന്ത്യൻ രൂപയ്ക്ക് ഇടിവ്. വ്യാഴാഴ്ച രൂപയുടെ വിനിമയനിരക്ക് ഡോളറിനെതിരെ 83.6850 (ദിർഹം നിരക്ക് 22.80, യുഎഇ സമയം രാവിലെ 9.15) എന്ന നിലയിലായിരുന്നു.

83.5925 (22.78) എന്ന മുൻ നിരക്കിനെ അപേക്ഷിച്ച് 0.1% കുറവാണ് രേഖപ്പെടുത്തിയത്. ഇറക്കുമതിക്കാരിൽ നിന്നും ഡോളറിന്റെ ആവശ്യകത ഉയര്‍ന്നത് പ്രധാന കാരണമാണ്. കൂടാതെ ഫെഡറൽ റിസർവ് ചെയർമാൻ ജെറോം പവലിന്റെ പ്രസ്താവനകളും വിപണിയിൽ പ്രധാന പങ്ക് വഹിച്ചു.

ഏഷ്യാനെറ്റ് ന്യൂസ് ലൈവ് യുട്യൂബിൽ കാണാം