Missing Student: ഷാര്ജയില് കാണാതായ മലയാളി വിദ്യാര്ത്ഥിയെ കണ്ടെത്തി
Synopsis
കുട്ടിയെ കണ്ടെത്താന് കുടുംബം സഹായം അഭ്യര്ത്ഥിച്ചിരുന്നു. രാത്രിയോടെയാണ് കാര്ത്തികിനെ കണ്ടെത്തിയത്.
ഷാര്ജ: കഴിഞ്ഞ ദിവസം ഷാര്ജയില് (Sharjah) കാണാതായ മലയാളി വിദ്യാര്ത്ഥിയെ കണ്ടെത്തി. അല് നഹ്ദയില് (Al Nahda) താമസിച്ചിരുന്ന കാര്ത്തികിനെയാണ് ശനിയാഴ്ച രാവിലെ കാണാതായത്. കുട്ടിയെ കണ്ടെത്താന് കുടുംബം സഹായം അഭ്യര്ത്ഥിച്ചിരുന്നു. രാത്രിയോടെയാണ് കാര്ത്തികിനെ കണ്ടെത്തിയത്. ജാഫിലിയ പൊലീസ് (Al jafiliya police) കുട്ടിയെ കണ്ടെത്തിയ വിവരം അറിയിച്ചു. സംസാര ശേഷിയില്ലാത്ത കാര്ത്തിക് രാവിലെ വീട് വിട്ടിറങ്ങുകയായിരുന്നു.
റിയാദ്: സൗദി അറേബ്യയിലെ (Saudi Arabia) കൊവിഡ് സുരക്ഷാ മാനദണ്ഡങ്ങൾ (Covid restrictions) പിൻവലിച്ചു. തുറസായ സ്ഥലങ്ങളില് മാസ്ക് ധാരണവും സാമൂഹിക അകലം പാലനവും (social distance and wearing masks outdoor) ഒഴിവാക്കി. എന്നാല് അടച്ചിട്ട റൂമുകൾക്കകത്ത് (indoors) മാസ്ക് ധരിക്കണം.
കൊവിഡ് വാക്സിൻ ഡോസുകൾ പൂർത്തിയാക്കാത്തവർ സൗദിയിലേക്ക് പ്രവേശിക്കുമ്പോഴുള്ള ഹോട്ടല്, ഹോം ക്വാറന്റീനുകൾ ഒഴിവാക്കി. രാജ്യത്തേക്ക് പ്രവേശിക്കാൻ നെഗറ്റീവ് പി.സി.ആർ അല്ലെങ്കില് ആന്റിജൻ പരിശോധന ഫലവും ഇനി ആവശ്യമില്ല. മക്കയിലെ മസ്ജിദുൽ ഹറം, മദീനയിലെ മസ്ജിദുന്നബവി എന്നിവിടങ്ങളിലും രാജ്യത്തെ മറ്റു പള്ളികളിലും സാമൂഹിക അകലം പാലിക്കൽ ഒഴിവാക്കി. എന്നാൽ ഇവിടങ്ങളിൽ മാസ്ക് ധരിക്കേണ്ടത് നിർബന്ധമാണ്. ആഭ്യന്തര മന്ത്രാലയം പ്രഖ്യാപിച്ച ഇളവുകള് ഇതിനോടകം നിലവില് വന്നു. രാജ്യത്തേത്ത് സന്ദര്ശക വിസകളില് വരുന്നവര് കൊവിഡ് രോഗ ബാധിതരായാല് അതിന്റെ ചികിത്സയ്ക്ക് ആവശ്യമായ ഇന്ഷുറന്സ് എടുത്തിരിക്കണം.
അബുദാബി: യുഎഇയിലെ സര്ക്കാര് മന്ത്രാലയങ്ങൾക്കും ഫെഡറൽ സര്ക്കാര് ജീവനക്കാര്ക്കുമുള്ള (ministries and federal authorities) റമദാൻ മാസത്തിലെ (Month of Ramadan) ഔദ്യോഗിക പ്രവൃത്തി സമയം (official working hours) യുഎഇ സർക്കാർ പ്രഖ്യാപിച്ചു. ഇതനുസരിച്ച് റമദാനില് ഔദ്യോഗിക പ്രവൃത്തി സമയം തിങ്കൾ മുതല് വ്യാഴം വരെയുള്ള ദിവസങ്ങളിൽ രാവിലെ ഒന്പത് മണി മുതൽ ഉച്ചയ്ക്ക് ശേഷം 2.30 വരെയും വെള്ളിയാഴ്ചകളിൽ രാവിലെ ഒന്പത് മണി മുതല് ഉച്ചയ്ക്ക് 12 മണി വരെയും ആയിരിക്കും.
വെള്ളിയാഴ്ചകളില് താമസ സ്ഥലങ്ങളില് ഇരുന്ന് ജോലി ചെയ്യുന്നതിനുള്ള ഫ്ലെക്സിബിൾ, റിമോട്ട് വര്ക്കിങ് രീതികള് അനുവദിക്കും. ഇതുമായി ബന്ധപ്പെട്ട തീരുമാനങ്ങൾക്ക് അനുസൃതമായിട്ടായിരിക്കും ഇത്. ആകെ ജീവനക്കാരുടെ 40 ശതമാനം പേർക്ക് ഇങ്ങനെ താമസ സ്ഥലങ്ങളില് നിന്ന് ജോലി ചെയ്യാനുള്ള അനുമതി ലഭിക്കും. വീട്ടിലിരുന്ന് ജോലി ചെയ്യുന്നവര് അവര് പൂര്ത്തിയാക്കേണ്ട നിശ്ചിത ജോലികള് ചെയ്ത് തീര്ത്തിരിക്കണം. ഇത്തരത്തില് അനുമതി നല്കാവുന്ന ജോലികള് ഏതൊക്കെയാണെന്നും അവയില് തന്നെ എന്തൊക്കെ ചുമതലകളാണ് ഇത്തരത്തില് നിറവേറ്റാനാവുന്നതെന്നും അധികൃതര് കണ്ടെത്തും.
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ Asianet News Malayalam