ഇന്ത്യന് പാസ്പോര്ട്ട് ഉടമകള്ക്ക് സന്തോഷ വാർത്ത; ഇ- വിസ റെഡി, ഇനി എളുപ്പം പറക്കാം ഈ രാജ്യത്തേക്ക്
Synopsis
ഒറ്റത്തവണ മാത്രം പ്രവേശനാനുമതിയുള്ള വിസയുടെ കാലാവധി 60 ദിവസമാണ്. ഈ വിസ ഉപയോഗിച്ച് 16 ദിവസം വരെ രാജ്യത്ത് താമസിക്കാനാകും.
മോസ്കോ: ഇന്ത്യന് പാസ്പോര്ട്ട് ഉടമകള്ക്ക് റഷ്യയിലേക്ക് ഇ-വിസ പ്രഖ്യാപിച്ചു. ഓഗസ്റ്റ് ഒന്നു മുതല് ഇന്ത്യക്കാര്ക്ക് ഇ-വിസ ഉപയോഗിച്ച് റഷ്യയിലേക്ക് യാത്ര ചെയ്യാം. ഇന്ത്യ ഉള്പ്പെടെ 52 രാജ്യങ്ങളില് നിന്നുള്ളവര്ക്കാണ് ഇ-വിസ ഉപയോഗിച്ച് റഷ്യയിലേക്ക് യാത്ര ചെയ്യാനാകുക.
റഷ്യയിലേക്ക് ഉദ്ദേശിച്ച യാത്രയുടെ 72 മണിക്കൂര് മുമ്പെങ്കിലും യാത്രക്കാര് അവരുടെ അപേക്ഷകള് സമര്പ്പിക്കേണ്ടതുണ്ട്. നടപടിക്രമങ്ങള് പൂര്ത്തിയാക്കി വിസ അനുവദിക്കാന് നാല് ദിവസമാണ് വേണ്ടത്. വിസ ലഭിക്കാന് അപേക്ഷകര് 40 ഡോളര് (ഏകദേശം 3300 രൂപ) ആണ് കോണ്സുലാര് ഫീസ് നല്കേണ്ടത്. വിനോദസഞ്ചാരം, ബിസിനസ് ട്രിപ്പുകള്, ഏതെങ്കിലും പരിപാടിയില് പങ്കെടുക്കാന് എന്നിവയ്ക്ക് ഇ-വിസ ഉപയോഗിച്ച് റഷ്യയിലേക്ക് യാത്ര ചെയ്യാം. ഒറ്റത്തവണ മാത്രം പ്രവേശനാനുമതിയുള്ള വിസയുടെ കാലാവധി 60 ദിവസമാണ്. ഈ വിസ ഉപയോഗിച്ച് 16 ദിവസം വരെ രാജ്യത്ത് താമസിക്കാനാകും.
Read Also - വിസയില്ലാതെ 103 രാജ്യങ്ങളില് പ്രവേശനം; ലോകത്തെ ശക്തമായ പാസ്പോര്ട്ടുകളുടെ പട്ടികയില് മുന്നേറി ഖത്തര്
ഈ ഗള്ഫ് രാജ്യങ്ങളില് ഇനി ഇന്ത്യക്കാര്ക്ക് വിസയില്ലാതെ യാത്ര ചെയ്യാം; പുതിയ പട്ടിക പുറത്ത്
ദില്ലി: ലോകത്തിലെ ശക്തമായ പാസ്പോര്ട്ടുകളുടെ പുതുക്കിയ പട്ടിക പുറത്തുവിട്ടു. അടുത്തിടെ പുറത്തിറക്കിയ ഹെന്ലി പാസ്പോര്ട്ട് ഇന്ഡക്സ് 2023 ല് ഇന്ത്യക്ക് 80-ാമത്തെ സ്ഥാനമാണുള്ളത്. കഴിഞ്ഞ വര്ഷത്തെ അപേക്ഷിച്ച് പട്ടികയില് ഇന്ത്യ ഇത്തവണ സ്ഥാനം മെച്ചപ്പെടുത്തിയിട്ടുണ്ട്. ഇന്ത്യക്കാര്ക്ക് നിലവില് 57 രാജ്യങ്ങളിലേക്ക് വിസാ രഹിത അല്ലെങ്കില് ഓണ് അറൈവല് വിസാ രീതിയില് പ്രവേശിക്കാനാകും.
ചൈന, ജപ്പാന്, റഷ്യ, യുണൈറ്റഡ് സ്റ്റേറ്റ്സ്, യൂറോപ്യന് യൂണിയന് രാജ്യങ്ങള് എന്നിവയടക്കം 177 രാജ്യങ്ങളിലേക്ക് യാത്ര ചെയ്യാന് ഇന്ത്യക്കാര്ക്ക് മുന്കൂര് വിസ ആവശ്യമാണ്. ഗള്ഫ് രാജ്യങ്ങളായ ഒമാന്, ഖത്തര് എന്നിവിടങ്ങളിലേക്ക് യാത്ര ചെയ്യാന് ഇന്ത്യക്കാര്ക്ക് മുന്കൂര് വിസ ആവശ്യമില്ല. ഇതോടെ ഈ രാജ്യങ്ങളിലേക്ക് ഇന്ത്യക്കാര്ക്ക് തടസ്സരഹിതമായ പ്രവേശനം സാധ്യമാണ്. മീഡില് ഈസ്റ്റില് ഇറാന്, ജോര്ദാന്, ഒമാന്, ഖത്തര് എന്നീ രാജ്യങ്ങളാണ് ഇന്ത്യക്കാര്ക്ക് മുന്കൂട്ടി വിസയില്ലാതെ പ്രവേശനം അനുവദിക്കുന്നത്.
ലോകത്തിലെ ഏറ്റവും ശക്തമായ പാസ്പോര്ട്ടുകളുടെ സൂചികയില് ഒന്നാം സ്ഥാനം സിംഗപ്പൂരിനാണ്. അതേസമയം പട്ടികയില് സ്ഥാനം മെച്ചപ്പെടുത്തി ഖത്തര്. നേരത്തെയുണ്ടായിരുന്നതില് നിന്നും മൂന്ന് സ്ഥാനം മെച്ചപ്പെടുത്തിയ ഖത്തര് നിലവില് 52-ാം സ്ഥാനത്തെത്തി. ആഗോള ഇന്വെസ്റ്റ്മെന്റ് മെഗ്രേഷന് കണ്സള്ട്ടന്സി ഹെന്ലി ആന്ഡ് പാര്ട്ണേഴ്സിന്റെ ഈ വര്ഷത്തെ സൂചികയിലാണ് ഖത്തര് 52-ാം സ്ഥാനത്തെത്തിയത്.
Read Also - 'അരി അതിര്ത്തി കടക്കില്ല'; അരിയുടെ കയറ്റുമതിക്ക് വിലക്ക് ഏര്പ്പെടുത്തി യുഎഇ
ഏഷ്യാനെറ്റ് ന്യൂസ് ലൈവ് യുട്യൂബില് കാണാം
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam, World Pravasi News, Keralites Abroad News, NRI Malayalis News ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ