സൗദിയില്‍ മലയാളി ഹൃദയാഘാതം മൂലം മരിച്ചു

28 വര്‍ഷത്തോളമായി സൗദിയില്‍ പ്രവാസിയായ ഉസ്മാന്‍ തായിഫില്‍ ലഘുഭക്ഷണ ശാല ജീവനക്കാരനായിരുന്നു. ഒന്നര മാസം മുമ്പാണ് നാട്ടില്‍നിന്നും അവധി കഴിഞ്ഞു തിരിച്ചെത്തിയത്.

റിയാദ്: സൗദിയിലെ താമസസ്ഥലത്ത് വെച്ച് നെഞ്ച് വേദന അനുഭവപ്പെട്ടതിനെ തുടര്‍ന്ന് ആശുപത്രിയില്‍ പ്രവേശിപ്പിച്ച മലയാളി മരിച്ചു. മലപ്പുറം വാളകുളം തെന്നല സ്വദേശി കാട്ടില്‍ ഉസ്മാന്‍ (50) ആണ് മരിച്ചത്. പടിഞ്ഞാറന്‍ പ്രവിശ്യയിലെ തായിഫിലെ കിങ് അബ്ദുല്‍ അസീസ് ആശുപത്രിയിലാണ് മരിച്ചത്.

28 വര്‍ഷത്തോളമായി സൗദിയില്‍ പ്രവാസിയായ ഉസ്മാന്‍ തായിഫില്‍ ലഘുഭക്ഷണ ശാല ജീവനക്കാരനായിരുന്നു. ഒന്നര മാസം മുമ്പാണ് നാട്ടില്‍നിന്നും അവധി കഴിഞ്ഞു തിരിച്ചെത്തിയത്. പിതാവ്: കോയക്കുട്ടി, മാതാവ്: ഫാത്തിമ, ഭാര്യ: സാജിത. രണ്ട് പെണ്‍കുട്ടികളും ഒരാണ്‍കുട്ടിയുമുണ്ട്. മൃതദേഹം തായിഫില്‍ ഖബറടക്കും. 

 പ്രവാസി മലയാളി താമസസ്ഥലത്ത് മരിച്ചു

റിയാദ്: മലയാളി റിയാദില്‍ താമസസ്ഥലത്ത് നിര്യാതനായി. മലപ്പുറം കോട്ടക്കല്‍ ദര്‍ശനം ഒതുക്കുങ്ങല്‍ സ്വദേശി ചോലക്കാട് വീട്ടില്‍ ബാബുരാജ് (52) ആണ് മരിച്ചത്. റിയാദ് സുലൈയിലെ നാദക് കമ്പനിയില്‍ 10 വര്‍ഷമായി ജീവനക്കാരനാണ് ബാബുരാജ്.

പിതാവ്: വേലായുധന്‍, മാതാവ്: ജാനകി, ഭാര്യ: സജ്ന, മക്കള്‍: സിന്‍ഷാ, സിബിന്‍, സംവൃത. മൃതദേഹം നാട്ടില്‍കൊണ്ടുപോകാനുള്ള നടപടിക്രമങ്ങള്‍ പൂര്‍ത്തീകരിക്കാന്‍ സഹോദരന്‍ വിനോദിനെ സഹായിക്കാന്‍ റിയാദ് കെ.എം.സി.സി മലപ്പുറം ജില്ലാ വെല്‍ഫെയര്‍ വിങ് ചെയര്‍മാന്‍ റഫീഖ് പുല്ലൂര്‍, ജനറല്‍ കണ്‍വീനര്‍ ഷറഫ് പുളിക്കല്‍, ജുനൈദ് താനൂര്‍ എന്നിവരും നാദക് കമ്പനിയിലെ സഹപ്രവര്‍ത്തകരും രംഗത്തുണ്ട്.

പ്രവാസി മലയാളി താമസസ്ഥലത്ത് ഉറക്കത്തിൽ മരിച്ചു

റിയാദ്: മലയാളി സൗദിയിലെ താമസസ്ഥലത്ത് ഉറക്കത്തിൽ മരിച്ചു. കോഴിക്കോട് കൂടരിഞ്ഞി സ്വദേശി അബ്ദുറഹ്മാൻ (51) ആണ് റിയാദിലെ അസീസിയയിൽ മരിച്ചത്. 25 വർഷമായി സൗദിയിലുള്ള അബ്ദുറഹ്‌മാൻ ലോൻഡ്രി ജീവനക്കാരനാണ്.

എട്ട് മാസം മുമ്പാണ് അവസാനമായി നാട്ടിൽ പോയി മടങ്ങിയത്. പിതാവ്: കുഞ്ഞിമുഹമ്മദ്. മാതാവ്: ഖദീജ. ഭാര്യ: ഹഫ്‌സത്. മക്കൾ: ഹസ്ന, മുഹമ്മദ്‌ ഷാഫി, മുഹമ്മദ്‌ റാഫി. മൃതദേഹം നാട്ടിൽ കൊണ്ടുപോകുന്നതിനുള്ള നടപടികൾക്ക് റിയാദ് കെ.എം.സി.സി വെൽഫെയർ വിങ് ചെയർമാൻ സിദ്ദിഖ് തുവൂരും സഹപ്രവർത്തകരും രംഗത്തുണ്ട്.