പ്രവാസി മലയാളി താമസസ്ഥലത്ത് മരിച്ച നിലയില്
Synopsis
കഴിഞ്ഞ ദിവസം ഓഫീസില് എത്താതിരുന്ന അദ്ദേഹത്തെ മറ്റ് ചില ആവശ്യങ്ങള്ക്കായി സഹപ്രവര്ത്തകര് ബന്ധപ്പെട്ടപ്പോള് തനിക്ക് ചെറിയ ശാരീരിക അസ്വസ്ഥതകളുണ്ടെന്നും ആശുപത്രിയില് പോയതിനുശേഷമേ വരികയുള്ളുവെന്നും അറിയിച്ചിരുന്നു.
റിയാദ്: സൗദി കിഴക്കന് പ്രവിശ്യയിലെ അല്ഖോബാറില് മലയാളിയെ താമസ സ്ഥലത്ത് മരിച്ച നിലയില് കണ്ടെത്തി. കായംകുളം പള്ളിക്കല് നടുവിലേമുറി തറയില് കിഴക്കതില് ജയകുമാര് ശിവരാജന് (52) ആണ് മരിച്ചത്. 19 വര്ഷമായി സൗദിയിലുള്ള ജയകുമാര് ഒമ്പത് വര്ഷമായി സ്വകാര്യ കമ്പനിയില് പ്രോജക്ട് മാനേജരായിരുന്നു.
കഴിഞ്ഞ ദിവസം ഓഫീസില് എത്താതിരുന്ന അദ്ദേഹത്തെ മറ്റ് ചില ആവശ്യങ്ങള്ക്കായി സഹപ്രവര്ത്തകര് ബന്ധപ്പെട്ടപ്പോള് തനിക്ക് ചെറിയ ശാരീരിക അസ്വസ്ഥതകളുണ്ടെന്നും ആശുപത്രിയില് പോയതിനുശേഷമേ വരികയുള്ളുവെന്നും അറിയിച്ചിരുന്നു. എന്നാല് പിന്നീട് ഫോണില് ലഭ്യമാകാതെ വന്നതോടെ സഹപ്രവര്ത്തകര് താമസസ്ഥലത്ത് അന്വേഷിച്ചെത്തിയപ്പോഴാണ് തറയില് വീണുകിടക്കുന്ന നിലയില് കണ്ടെത്തിയത്.മൃതദേഹം ദമ്മാം മെഡിക്കല് കോംപ്ലകസ് മോര്ച്ചറിയില് സൂക്ഷിച്ചിരിക്കുകയാണ്. ഭാര്യ: റജിമോള്. മകന്: ജിതിന്. മൃതദേഹം നാട്ടില്കൊണ്ടുപോകുന്നതിനുള്ള നടപടികള് പുരോഗമിക്കുന്നു.
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ Asianet News Malayalam