നാട്ടിൽ പോകാനുള്ള ഒരുക്കങ്ങള്‍ക്കിടെ പ്രവാസി മലയാളി പനിബാധിച്ചു മരിച്ചു

 10 വർഷമായി ദക്ഷിണ സൗദിയിലെ നജ്‌റാനിൽ സ്വകാര്യ കമ്പനിയിൽ ജീവനക്കാരനായിരുന്നു. നാട്ടിൽ പോകുന്നതിന് വേണ്ടിയാണ് ജിദ്ദയിലെത്തിയത്​. 

റിയാദ്​: നാട്ടിൽ പോകാൻ ജിദ്ദയിലെത്തിയ മലയാളി പനി ബാധിച്ച്​ മരിച്ചു. പത്തനംതിട്ട നാരങ്ങാനം സ്വദേശി തട്ടപ്ലാക്കൽ ഷംസുദ്ദീൻ (54) ആണ് അസുഖത്തെ തുടർന്ന്​ ആശുപത്രിയിൽ ചികിത്സയിലായിരിക്കെ മരിച്ചത്. 10 വർഷമായി ദക്ഷിണ സൗദിയിലെ നജ്‌റാനിൽ സ്വകാര്യ കമ്പനിയിൽ ജീവനക്കാരനായിരുന്നു. നാട്ടിൽ പോകുന്നതിന് വേണ്ടിയാണ് ജിദ്ദയിലെത്തിയത്​. 

പിതാവ്: ഹനീഫ മൗലവി. മാതാവ്: ആമിന ബീവി. ഭാര്യ: ബീന, മകൻ: ഷംനാദ്. നടപടിക്രമങ്ങൾ പൂർത്തിയാക്കാൻ കമ്പനി അധികൃതരും ജീവകാരുണ്യ പ്രവർത്തകൻ അലി തേക്കുതോടും പത്തനംതിട്ട ജില്ലാ സംഗമം പ്രവർത്തകരും രംഗത്തുണ്ട്.