താമസവിസ നിയമലംഘനം; കുവൈത്തില്‍ നിന്ന് ഈ വര്‍ഷം നാടുകടത്തിയത് 21,190 പ്രവാസികളെ

പണം നല്‍കി റെസിഡന്‍സി പെര്‍മിറ്റുകള്‍ സംഘടിപ്പിച്ചതായി കണ്ടെത്തിയ 59 ക്രി​മി​ന​ൽ കേ​സു​ക​ളി​ലും ഈ ​വ​ർ​ഷം ന​ട​പ​ടി സ്വീ​ക​രി​ച്ചു.

കു​വൈ​ത്ത് സി​റ്റി: കുവൈത്തില്‍ ഈ വര്‍ഷം തുടക്കം മുതല്‍ താമസകാര്യ വകുപ്പ് അധികൃതര്‍ അറസ്റ്റ് ചെയ്തത് 21,190 നിയമലംഘകരായ പ്രവാസികളെ. ഇവരെ എല്ലാവരെയും രാജ്യത്ത് നിന്ന് നാടുകടത്തി.

താ​മ​സ, തൊ​ഴി​ൽ നി​യ​മ ലം​ഘ​ക​ർ​ക്കെ​തി​രെ ശ​ക്ത​മാ​യ ന​ട​പ​ടി​ക​ൾ തു​ട​രു​കയാണ്. 11,970 പേ​ർ പി​ഴ ന​ൽ​കി രാ​ജ്യ​ത്ത് തു​ട​രാ​നു​ള്ള രേ​ഖ​ക​ൾ നി​യ​മ​പ​ര​മാ​ക്കി. വി​സ കൃ​ത്രി​മ​ത്വ​വും ലം​ഘ​ന​ങ്ങ​ളും ചെ​റു​ക്കു​ന്ന​തി​ന് ഒ​ന്നാം ഉ​പ​പ്ര​ധാ​ന​മ​ന്ത്രി​യും പ്ര​തി​രോ​ധ മ​ന്ത്രി​യും ആ​ഭ്യ​ന്ത​ര മ​ന്ത്രി​യു​മാ​യ ശൈ​ഖ് ഫ​ഹ​ദ് യൂ​സ​ഫ് അ​സ്സ​ബാ​ഹി​ന്റെ നി​ർ​ദേ​ശ​പ്ര​കാ​ര​മാ​ണ് ന​ട​പ​ടി​യെ​ന്ന് അ​ഭ്യ​ന്ത​ര മ​ന്ത്രാ​ല​യം വ്യ​ക്ത​മാ​ക്കി. നി​യ​മ​ലം​ഘ​ക​ർ​ക്കെ​തി​രെ ക​ർ​ശ​ന ന​ട​പ​ടി തു​ട​രു​മെ​ന്നും അ​റി​യി​ച്ചു.

പ​ണം വാ​ങ്ങി റ​സി​ഡ​ൻ​സി പെര്‍മിറ്റുകള്‍ നല്‍കിയതായി ക​ണ്ടെ​ത്തി​യ 59 ക്രി​മി​ന​ൽ കേ​സു​ക​ളി​ലും ഈ ​വ​ർ​ഷം ന​ട​പ​ടി സ്വീ​ക​രി​ച്ചു. വ്യാ​ജ ക​മ്പ​നി​ക​ളു​ടെ പേ​രി​ലു​ള്ള ഇ​ത്ത​രം ത​ട്ടി​പ്പു​ക​ളി​ൽ വ്യാ​ജ​രേ​ഖ നി​ർ​മാ​ണം, കൃ​ത്രി​മം എ​ന്നി​വ ന​ട​ത്തി​യ സ്ഥാ​പ​ന ഉ​ട​മ​ക​ളും പ്ര​തി​നി​ധി​ക​ളും പി​ടി​യി​ലാ​യി. നി​യ​മ​വി​രു​ദ്ധ​മാ​യി റ​സി​ഡ​ൻ​സി പെ​ർ​മി​റ്റ് നേടിയ സം​ഭ​വ​ത്തി​ൽ വ്യ​ക്തി​ക​ളും ക​മ്പ​നി​ക​ളും ഉ​ൾ​പ്പെ​ട്ട 506 കേ​സു​ക​ളും ര​ജി​സ്റ്റ​ർ ചെ​യ്തു.

ജൂ​ൺ 30ന് ​മൂ​ന്നു​മാ​സ​ത്തെ പൊ​തു​മാ​പ്പ് അ​വ​സാ​നി​ച്ച​തോ​ടെ താ​മ​സ, തൊ​ഴി​ൽ നി​യ​മ​ലം​ഘ​ക​രെ പി​ടി​കൂ​ടു​ന്ന​തി​നാ​യി രാ​ജ്യ​ത്ത് ക​ർ​ശ​ന പ​രി​ശോ​ധ​ന​ക​ൾ ന​ട​ന്നു​വ​രി​ക​യാ​ണ്. ഒ​ന്നാം ഉ​പ​പ്ര​ധാ​ന​മ​ന്ത്രി​യും പ്ര​തി​രോ​ധ-​ആ​ഭ്യ​ന്ത​ര മ​ന്ത്രി​യു​മാ​യ ശൈ​ഖ് ഫ​ഹ​ദ് അ​സ്സ​ബാ​ഹി​ന്റെ നേ​രി​ട്ടു​ള്ള മേ​ൽ​നോ​ട്ട​ത്തി​ലാ​ണ് പ​രി​ശോ​ധ​ന. ആ​റ് ഗ​വ​ർ​ണ​റേ​റ്റു​ക​ളി​ലും ശ​ക്ത​മാ​യ പ​രി​ശോ​ധ​ന​യാ​ണ് ക​ഴി​ഞ്ഞ ദി​വ​സ​ങ്ങ​ളി​ൽ ന​ട​ന്ന​ത്.  

ഏഷ്യാനെറ്റ് ന്യൂസ് ലൈവ് യുട്യൂബിൽ കാണാം