കുവൈത്ത് ദിനാറിന് യഥാർത്ഥ മൂല്യത്തേക്കാൾ 21.5 ശതമാനം കൂടുതൽ

കുവൈത്ത് ദിനാറിന്‍റെ യഥാർത്ഥ വില നിലവിലെ വിലയേക്കാൾ ഏകദേശം 21.5 ശതമാനം കൂടുതലാണെന്നാണ് റിപ്പോര്‍ട്ട്. 

കുവൈത്ത് സിറ്റി: കുവൈത്ത് ദിനാറിന്‍റെ യഥാർത്ഥ മൂല്യം നിലവിലെ മൂല്യത്തേക്കാൾ 21.5 ശതമാനം കൂടുതലെന്ന് ദി ഇക്കോണമിസ്റ്റ് റിപ്പോർട്ട് ചെയ്യുന്നു.  ബിഗ് മാക് ഇൻഡക്‌സിൽ ഡോളറിനെതിരെ കരുത്ത് ഉണ്ടായിരുന്നിട്ടും, അറബ് രാജ്യങ്ങളുടെ കറൻസികളുടെ മൂല്യം അവയുടെ നിലവിലെ വിലയേക്കാൾ കൂടുതലാണെന്ന് റിപ്പോർട്ട്. 

കുവൈത്തി ദിനാർ ഡോളറിനെതിരെ ഏറ്റവും ശക്തമായ കറൻസികളിൽ ഒന്നാണെങ്കിലും, അതിന്‍റെ യഥാർത്ഥ വില നിലവിലെ വിലയേക്കാൾ ഏകദേശം 21.5 ശതമാനം കൂടുതലാണെന്നും യുഎഇ ദിർഹത്തിന് ഏകദേശം 15.4 ശതമാനം കൂടുതലാണെന്നും സൗദി റിയാലിന് നിലവിലെ മൂല്യത്തേക്കാൾ 12.5 ശതമാനം കൂടുതലാണെന്നും സൂചിക വെളിപ്പെടുത്തുന്നു. രാജ്യത്തിൻ്റെ ദേശീയ കറൻസിയിലെ ഭക്ഷണത്തിൻ്റെ വിലയെ യുണൈറ്റഡ് സ്റ്റേറ്റ്സിലെ വിലയെ ഡോളറിൽ ഹരിച്ചാണ് സൂചിക യഥാർത്ഥ വിനിമയ നിരക്ക് കണക്കാക്കുന്നത്.

ഏഷ്യാനെറ്റ് ന്യൂസ് ലൈവ് യുട്യൂബിൽ കാണാം