ഇൻഡിക്കേറ്റർ ഉപയോഗിക്കാത്തവർക്കെതിരെ നടപടി ശക്തം; കുവൈത്തിൽ 372 വാഹനങ്ങൾക്ക് പിഴ

ഇൻഡിക്കേറ്റർ ഉപയോഗിക്കാത്തവർക്കെതിരെ നടപടി ശക്തം. കുവൈത്തിൽ 372 വാഹനങ്ങൾക്ക് പിഴ. ഗതാഗത നിയമങ്ങൾ കർശനമായി നടപ്പിലാക്കുന്നതിന്റെ ഭാഗമായി ട്രാഫിക് ഉദ്യോഗസ്ഥർ നടത്തിയ വിപുലമായ പരിശോധനകളിലാണ് ഈ നിയമലംഘനങ്ങൾ കണ്ടെത്തിയതെന്ന് സുരക്ഷാ വൃത്തങ്ങൾ വ്യക്തമാക്കി.

കുവൈത്ത് സിറ്റി: വാഹനം തിരിക്കുമ്പോഴും ലെയ്ൻ മാറുമ്പോഴും ഇൻഡിക്കേറ്ററുകൾ (ടേൺ സിഗ്നലുകൾ) കൃത്യമായി ഉപയോഗിക്കാത്ത ഡ്രൈവർമാർക്കെതിരെ കുവൈത്ത് ആഭ്യന്തര മന്ത്രാലയത്തിന് കീഴിലുള്ള ജനറൽ ട്രാഫിക് ഡിപ്പാർട്ട്‌മെന്റ് കർശന നടപടി സ്വീകരിച്ചു. വിവിധ ഗവർണറേറ്റുകളിൽ നടത്തിയ പ്രത്യേക പരിശോധനകളിൽ ഇത്തരത്തിൽ നിയമലംഘനം നടത്തിയതിന് 372 വാഹനങ്ങൾക്ക് പിഴ ചുമത്തി.

ഗതാഗത നിയമങ്ങൾ കർശനമായി നടപ്പിലാക്കുന്നതിന്‍റെ ഭാഗമായി ട്രാഫിക് ഉദ്യോഗസ്ഥർ നടത്തിയ വിപുലമായ പരിശോധനകളിലാണ് ഈ നിയമലംഘനങ്ങൾ കണ്ടെത്തിയതെന്ന് സുരക്ഷാ വൃത്തങ്ങൾ വ്യക്തമാക്കി. നിയമപരമായ ശിക്ഷാ നടപടികൾ ഒഴിവാക്കുന്നതിനും നിരത്തിലെ എല്ലാവരുടെയും സുരക്ഷ ഉറപ്പാക്കുന്നതിനും ട്രാഫിക് നിയമങ്ങൾ പൂർണ്ണമായി പാലിക്കാൻ എല്ലാ വാഹനമോടിക്കുന്നവരും ബാധ്യസ്ഥരാണെന്ന് അധികൃതർ ഓർമ്മിപ്പിച്ചു.