തുടർച്ചയായി ആറ് മാസം പ്രവർത്തിച്ചില്ലെങ്കിൽ വാണിജ്യ ലൈസൻസ് റദ്ദാക്കുമെന്ന് കുവൈത്ത് അധികൃതര്‍

തുടര്‍ച്ചയായി ആറ് മാസം പ്രവർത്തിക്കാത്ത സ്ഥാപനങ്ങളുടെ ലൈസന്‍സാണ് റദ്ദാക്കുക. 

കുവൈത്ത് സിറ്റി: തുടർച്ചയായി ആറ് മാസം പ്രവർത്തിക്കാത്ത വാണിജ്യ ലൈസൻസുകൾ റദ്ദാക്കുന്നതിനുള്ള ഒരു വ്യവസ്ഥ ചേർക്കാൻ വാണിജ്യ വ്യവസായ മന്ത്രാലയം പദ്ധതിയിടുന്നതായി പ്രാദേശിക റിപ്പോർട്ടുകൾ സൂചിപ്പിക്കുന്നു.

തുടക്കം മുതൽ ഉപയോഗത്തിലില്ലാത്തതോ ഒരു ജോലിയിലും ഏർപ്പെട്ടിട്ടില്ലാത്തതോ ആയ ധാരാളം ലൈസൻസുകൾ പരിഗണിച്ചതിന് ശേഷം ഈ നിയമം കർശനമായി നടപ്പിലാക്കുമെന്ന് സ്രോതസ്സുകൾ സൂചിപ്പിച്ചു. റിപ്പോർട്ട് അനുസരിച്ച്, നിലവിലുള്ള കമ്പനി നിയമത്തിൽ ഈ ആർട്ടിക്കിൾ അനുസരിച്ച് തുടർച്ചയായി ആറ് മാസത്തേക്ക് പ്രവർത്തനം നടത്തിയില്ലെങ്കിൽ ലൈസൻസ് റദ്ദാക്കുമെന്ന് ഇതിനകം വ്യവസ്ഥ ചെയ്യുന്നുണ്ട്. തുടർച്ചയായി ആറ് മാസം പ്രവർത്തിക്കാത്ത റിയൽ എസ്റ്റേറ്റ്, ഗവേഷണം, മെഡിക്കൽ സർവീസസ് കമ്പനികളുടെ വാണിജ്യ ലൈസൻസുകൾ റദ്ദാക്കുന്ന മന്ത്രിതല തീരുമാനങ്ങൾ മന്ത്രാലയം മുമ്പ് പുറപ്പെടുവിച്ചിരുന്നു.

ഏഷ്യാനെറ്റ് ന്യൂസ് വാർത്തകൾ തത്സമയം കാണാം