നി​യ​മ​ലം​ഘ​നം; ഖത്തറിൽ സ്വകാര്യ ആരോഗ്യ കേന്ദ്രത്തിലെ ദന്തചകിത്സ യൂണിറ്റിനെതിരെ ന​ട​പ​ടി

നി​യ​മ​ലം​ഘ​നം ന​ട​ത്തി​യ മെഡിക്കൽ പ്രാ​ക്ടീ​ഷ​ണ​ർ​മാ​രു​ടെ പ്രൊഫഷണൽ ലൈ​സ​ൻ​സു​ക​ൾ താ​ൽ​ക്കാ​ലി​ക​മാ​യി റ​ദ്ദാക്കി. 

ദോ​ഹ: നി​യ​മ​ലം​ഘ​നം ന​ട​ത്തി​യ സ്വകാര്യ ആരോഗ്യ കേന്ദ്രത്തിലെ ഡെന്‍റൽ യൂ​ണി​റ്റി​നെ​തി​രെ ന​ട​പ​ടി സ്വീകരിച്ച് ഖ​ത്ത​ർ പൊ​തു​ജ​നാ​രോ​ഗ്യ മ​ന്ത്രാ​ല​യം. അ​നു​വ​ദി​ക്ക​പ്പെ​ട്ട ​പ്ര​വ​ർ​ത്ത​ന പ​രി​ധി​ക​ൾ​ക്ക് പു​റ​ത്ത് സേ​വ​ന​ങ്ങ​ൾ ന​ൽ​കി​യെ​ന്ന് കണ്ടെത്തിയതിനെത്തുടർന്നാണ് നടപടി. 

നി​യ​മ​ലം​ഘ​നം ന​ട​ത്തി​യ മെഡിക്കൽ പ്രാ​ക്ടീ​ഷ​ണ​ർ​മാ​രു​ടെ പ്രൊഫഷണൽ ലൈ​സ​ൻ​സു​ക​ൾ താ​ൽ​ക്കാ​ലി​ക​മാ​യി റ​ദ്ദ് ചെ​യ്ത​താ​യി മ​ന്ത്രാ​ല​യം അ​റി​യി​ച്ചു. വൈ​ദ്യ​ശാ​സ്ത്രം, ദ​ന്ത​ചി​കി​ത്സ, ശ​സ്ത്ര​ക്രി​യ എ​ന്നീ മേ​ഖ​ല​ക​ളു​ടെ പ്രാ​ക്ടീ​സു​മാ​യി ബ​ന്ധ​പ്പെ​ട്ട 1983ലെ ​നി​യ​മ​ത്തി​ന്റെ​യും, പ്രൊഫ​ഷ​ണ​ൽ ലൈ​സ​ൻ​സ് പ​രി​ധി നി​യ​ന്ത്രി​ക്കു​ന്ന ച​ട്ട​ങ്ങ​ളു​ടെ​യും ന​യ​ങ്ങ​ളു​ടെ​യും ലം​ഘ​ന​മാ​ണിതെന്നും മ​ന്ത്രാ​ല​യം ചൂ​ണ്ടി​ക്കാ​ട്ടി. 

ഖത്തറിൽ നി​യ​ന്ത്ര​ണ​ങ്ങ​ൾ ലം​ഘി​ച്ച് പ്രവർത്തിക്കുന്ന സ്ഥാ​പ​ന​ങ്ങ​ൾ​ക്കും ആ​രോ​ഗ്യ​പ്ര​വ​ർ​ത്ത​ക​ർ​ക്കും എ​തി​രെ നി​യ​മ​ന​ട​പ​ടി​ക​ൾ സ്വീകരിച്ചുവരികയാണ്. രാ​ജ്യ​ത്തെ എ​ല്ലാ ആ​രോ​ഗ്യ​പ്ര​വ​ർ​ത്ത​ക​രും നി​യ​മ​ങ്ങ​ളും ച​ട്ട​ങ്ങ​ളും പാ​ലി​ക്ക​ണ​മെ​ന്നും രോ​ഗി​ക​ൾ​ക്ക് ഗു​ണ​നി​ല​വാ​ര​മു​ള്ള ചി​കി​ത്സ ഉ​റ​പ്പാ​ക്കു​ന്ന​തി​ൽ ശ്ര​ദ്ധ കേ​ന്ദ്രീ​ക​രി​ക്ക​ണ​മെ​ന്നും പൊ​തു​ജ​നാ​രോ​ഗ്യ മ​ന്ത്രാ​ല​യം വ്യ​ക്ത​മാ​ക്കി.