മഹ്സൂസ് നറുക്കെടുപ്പില് 2,00,000 ദിര്ഹം വീതം സ്വന്തമാക്കി അഞ്ച് ഭാഗ്യവാന്മാര്
Synopsis
ശനിയാഴ്ച രാത്രി നടന്ന നറുക്കെടുപ്പില് 2,914 വിജയികളാണ് ക്യാഷ് പ്രൈസുകള് നേടിയത്.
ദുബൈ: കഴിഞ്ഞയാഴ്ച യുഎഇയിലെ മഹ്സൂസ് സ്റ്റുഡിയോയില് വെച്ചുനടന്ന 25-ാമത് പ്രതിവാര തത്സമയ നറുക്കെടുപ്പില് അഞ്ച് വിജയികള് 2,00,000 ദിര്ഹം വീതം സ്വന്തമാക്കിയതായി മഹ്സൂസിന്റെ മാനേജിങ് ഓപ്പറേറ്റര് ഈവിങ്സ് എല്.എല്.സി അറിയിച്ചു. നറുക്കെടുത്ത ആറ് സംഖ്യകളില് അഞ്ചെണ്ണവും യോജിച്ചുവന്ന ഇവര് രണ്ടാം സമ്മാനം വീതിച്ചെടുക്കുകയായിരുന്നു. ഇതിന് പുറമെ 165 വിജയികള്ക്ക് 1000 ദിര്ഹം വീതം സമ്മാനം ലഭിച്ചു. 2749 പേര്ക്കാണ് 35 ദിര്ഹത്തിന്റെ സമ്മാനം ലഭിച്ചത്. ആകെ 12,61,215 ദിര്ഹത്തിന്റെ സമ്മാനങ്ങളാണ് കഴിഞ്ഞയാഴ്ച വിജയികള് സ്വന്തമാക്കിയത്. 7, 17, 24, 31, 32, 44 എന്നിവയായിരുന്നു ഇത്തവണ നറുക്കെടുത്ത സംഖ്യകള്.
50 മില്യന് ദിര്ഹത്തിന്റെ ഒന്നാം സമ്മാനം ഇപ്പോഴും വിജയികളെ കാത്തിരിക്കുകയാണ്. 2021 മേയ് 22 ശനിയാഴ്ച യുഎഇ സമയം രാത്രി ഒമ്പത് മണിക്ക് നടക്കാനിരിക്കുന്ന അടുത്ത നറുക്കെടുപ്പില് പങ്കെടുക്കുന്നവര്ക്ക് ഇത് സ്വന്തമാക്കാനുള്ള അവസരമാണ് ലഭിക്കുക.
ഈ ആഴ്ചയിലെ നറുക്കെടുപ്പില് പങ്കെടുക്കാന് കഴിയാതിരുന്നവര്ക്ക് www.mahzooz.ae എന്ന വെബ്സൈറ്റില് രജിസ്റ്റര് ചെയ്ത് 35 ദിര്ഹത്തിന്റെ ബോട്ടില്ഡ് വാട്ടര് വാങ്ങി സംഭാവന ചെയ്യുകയാണ് വേണ്ടത്. ഓരോ ബോട്ടില്ഡ് വാട്ടര് വാങ്ങുമ്പോഴും നറുക്കെടുപ്പിലേക്കുള്ള ഒരു എന്ട്രി വീതം ലഭിക്കുന്നു. മാത്രമല്ല ബോട്ടില്ഡ് വാട്ടര് സംഭാവന നല്കുമ്പോള് അത് മഹ്സൂസിന്റെ കമ്മ്യൂണിറ്റി പാര്ട്ണര്മാര് വഴി ആവശ്യക്കാരിലേക്ക് എത്തിച്ചേരുകയും ചെയ്യുന്നു. യോഗ്യരായ എല്ലാവര്ക്കും മഹ്സൂസ് നറുക്കെടുപ്പില് പങ്കാളിത്തം ഉറപ്പാക്കാന് കഴിയും.
'മഹ്സൂസ്' എന്നാല് അറബിയില് 'ഭാഗ്യം' എന്നാണ് അര്ത്ഥം. ജിസിസിയിലെ ഒരേയൊരു പ്രതിവാര തത്സമയ നറുക്കെടുപ്പായ മഹ്സൂസ്, ആഴ്ചതോറും നല്കുന്ന ലക്ഷക്കണക്കിന് ദിര്ഹത്തിന്റെ സമ്മാനങ്ങളിലൂടെ ജീവിതം മാറ്റിമറിക്കാനുള്ള അവസരമാണൊരുക്കുന്നത്. ജനങ്ങളുടെ സ്വപ്നങ്ങള് സാക്ഷാത്കരിക്കാന് പ്രതിജ്ഞാബദ്ധമാണ് മഹ്സൂസ്. ഒപ്പം സേവനമായി അത് സമൂഹത്തിന് തിരികെ നല്കുകയും ചെയ്യുന്നു. നറുക്കെടുപ്പ് മഹ്സൂസ് സ്റ്റുഡിയോയില് നിന്ന് എല്ലാ ശനിയാഴ്ചയും www.mahzooz.ae എന്ന വെബ്സൈറ്റ് വഴിയും @MyMahzooz ഫേസ്ബുക്ക്, യുട്യൂബ് പേജുകള് വഴിയും തത്സമയം സംപ്രേക്ഷണം ചെയ്യും. ലെബനീസ് ടെലിവിഷന് അവതാരകന് വിസാം ബ്രെയ്ഡിയും മലയാളി മോഡലും അവതാരകയും സംരംഭകയുമായ ഐശ്വര്യ അജിതുമാണ് ലൈവ് നറുക്കെടുപ്പിന്റെ അവതാരകര്.
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ Asianet News Malayalam