സന്ദര്ശക വിസയില് മകളുടെ അടുത്തെത്തിയ മലയാളി മരിച്ചു
Synopsis
ദോഹയിലുള്ള മകളെയും കുടുംബത്തെയും സന്ദര്ശിക്കാന് കഴിഞ്ഞ വ്യാഴാഴ്ചയാണ് അദ്ദേഹം ഭാര്യയ്ക്കൊപ്പം ഖത്തറിലെത്തിയത്.
ദോഹ: സന്ദര്ശക വിസയില് ഖത്തറിലെത്തിയ മലയാളി ഹൃദയാഘാതം മൂലം മരിച്ചു. കോഴിക്കോട് പന്നിയങ്കര പലാക്കില് മാളിയേക്കല് ഉസ്മാന് കോയ (63) ആണ് തിങ്കളാഴ്ച ദോഹയില് മരിച്ചത്. നേരത്തെ കുവൈത്തില് പ്രവാസിയായിരുന്നു.
ദോഹയിലുള്ള മകളെയും കുടുംബത്തെയും സന്ദര്ശിക്കാന് കഴിഞ്ഞ വ്യാഴാഴ്ചയാണ് അദ്ദേഹം ഭാര്യയ്ക്കൊപ്പം ഖത്തറിലെത്തിയത്. ചെറിയ അറയ്ക്കല് അബ്ദുല്ലക്കോയയുടെയും പലാക്കില് മാളിയക്കല് മറിയം ബീവിയുടെയും മകനാണ്. കുഞ്ഞിബി മാമുക്കോയയാണ് ഭാര്യ. മകള് - മറിയം. മരുമകന് - സിഷാന് ഉസ്മാന്. നടപടികള് പൂര്ത്തിയാക്കിയ ശേഷം മൃതദേഹം ഖത്തറില് തന്നെ ഖബറടക്കി.
Read also:വാഹനാപകടത്തില് പരിക്കേറ്റ് ചികിത്സയിലായിരുന്ന പ്രവാസി സാമൂഹിക പ്രവര്ത്തകന് മരിച്ചു
പ്രവാസി മലയാളിയെ താമസ സ്ഥലത്ത് മരിച്ച നിലയില് കണ്ടെത്തി
മസ്കത്ത്: ഒമാനില് മലയാളിയെ താമസ സ്ഥലത്ത് മരിച്ച നിലയില് കണ്ടെത്തി. കൊല്ലം പുനലൂര് മഞ്ഞമങ്കാല സ്വദേശി പ്രഭാകരന് (65) ആണ് സലാലയിലെ താമസ സ്ഥലത്ത് മരിച്ചത്. സലാല സെന്ററിലെ മസ്ജിദ് അഖീലിന് സമീപത്തുള്ള താമസ സ്ഥലത്തായിരുന്നു മൃതദേഹം.
മൃതദേഹത്തിന് ഏതാനും ദിവസത്തെ പഴക്കമുണ്ടായിരുന്നെന്ന് ദൃക്സാക്ഷികള് പറഞ്ഞു. റോയല് ഒമാന് പൊലീസ് സ്ഥലത്തെത്തി തുടര് നടപടികള് സ്വീകരിച്ചു. 30 വര്ഷത്തിലധികമായി ഒമാനിലെ സ്വകാര്യ കമ്പനിയില് ജോലി ചെയ്തു വരികയായിരുന്നു.
അവിവാഹിതനായ പ്രഭാകരന് നാട്ടില് പോയിട്ട് വര്ഷങ്ങളായെന്ന് സുഹൃത്തുക്കള് പറഞ്ഞു. പിതാവ് - ജനാര്ദ്ദനന് ആചാരി. മാതാവ് - തങ്കമ്മ. മൃതദേഹം സുല്ത്താന് ഖാബൂസ് ആശുപത്രി മോര്ച്ചറിയില് സൂക്ഷിച്ചിരിക്കുകയാണ്. സ്പോണ്സറുമായി ബന്ധപ്പെട്ട് നിയമ നടപടികള് പുരോഗമിക്കുകയാണെന്ന് ഒമാനിലെ കോണ്സുലാര് ഏജന്റ് ഡോ. കെ. സനാതനന് അറിയിച്ചു.
Read also: പ്രവാസി മലയാളി ഹൃദയാഘാതം മൂലം മരിച്ചു
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ Asianet News Malayalam