പ്രവാസി മലയാളി യുവാവ് വാഹനാപകടത്തില്‍ മരിച്ചു

അഭിലാഷിന്റെ കുടുംബം വര്‍ഷങ്ങളായി ബഹ്റൈനിലാണ്. ന്യൂ ഇന്ത്യന്‍ സ്‍കൂളിലെ പൂര്‍വ വിദ്യാര്‍ത്ഥി കൂടിയായ അഭിലാഷിന് രണ്ട് സഹോദരങ്ങളുണ്ട്.

മനാമ: ബഹ്റൈനിലുണ്ടായ വാഹനാപകടത്തില്‍ പ്രവാസി മലയാളി യുവാവ് മരിച്ചു. കണ്ണൂര്‍ ചെറുകുന്ന് കീഴറ പള്ളിപ്രത്ത് മൊട്ട കൃഷ്ണഭവനില്‍ രാമയ്യ കൃഷ്ണലിംഗത്തിന്റെ മകന്‍ അഭിലാഷ് (26) ആണ് മരിച്ചത്. അസ്‍കറിലെ ഗള്‍ഫ് ആന്റിക്സിലെ ജീവനക്കാരനായിരുന്നു.

അഭിലാഷിന്റെ കുടുംബം വര്‍ഷങ്ങളായി ബഹ്റൈനിലാണ്. ന്യൂ ഇന്ത്യന്‍ സ്‍കൂളിലെ പൂര്‍വ വിദ്യാര്‍ത്ഥി കൂടിയായ അഭിലാഷിന് രണ്ട് സഹോദരങ്ങളുണ്ട്. മൃതദേഹം സല്‍മാനിയ ആശുപത്രി മോര്‍ച്ചറിയില്‍ സൂക്ഷിച്ചിരിക്കുകയാണ്. ബുധനാഴ്ച നാട്ടിലേക്ക് കൊണ്ടുപോകാനുള്ള നടപടിക്രമങ്ങള്‍ കെ.എം.സി.സി മയ്യിത്ത് പരിപാലന സമിതിയുടെ നേതൃത്വത്തില്‍ നടന്നുവരുന്നു.

ഹൃദയാഘാതത്തെ തുടര്‍ന്ന് ചികിത്സയിലായിരുന്ന പ്രവാസി മലയാളി മരിച്ചു
റിയാദ്: ഹൃദയാഘാതത്തെ തുടർന്ന് കണ്ണൂർ സ്വദേശി റിയാദിൽ നിര്യാതനായി. കണ്ണൂർ കമ്പിൽ സ്വദേശി നാറാത്ത് പാമ്പുരുത്തി റോഡിലെ വലിയ പുതിയകത്ത് ഷുക്കൂറാണ് (59) മരിച്ചത്. റിയാദിലെ ആശുപത്രിയിൽ ചികിത്സയിലിരിക്കെ കഴിഞ്ഞ ദിവസം പുലർച്ചെയാണ് മരണപ്പെട്ടത്. അടുത്ത മാസം നാട്ടിലേക്ക് പോകാനിരിക്കുകയായിരുന്നു ഷുക്കൂര്‍. ഭാര്യ - സീനത്ത് (നാറാത്ത്). മക്കൾ - ഷുഹൈബ്, സുഫൈൽ, മുബ്ഷാം. സഹോദരങ്ങൾ - മഹറൂഫ്, സുബൈദ, താഹിറ, പരേതനായ നാസർ. നടപടികള്‍ പൂര്‍ത്തിയാക്കിയ ശേഷം മൃതദേഹം റിയാദിൽ തന്നെ ഖബറടക്കും.