യുഎഇയിലേക്ക് കടത്താന് ശ്രമിച്ച 40 ലക്ഷത്തിന്റെ വ്യാജ ഇന്ത്യന് കറന്സികള് പിടിച്ചു
Synopsis
ബാഗില് ഒളിപ്പിച്ച നിലയിലായിരുന്നു വ്യാജ നോട്ടുകള്. എക്സ് റേ പരിശോധന നടത്തിയപ്പോള് ബാഗില് സംശയം തോന്നിയ ഇന്സ്പെക്ടര് വിശദ പരിശോധന നടത്തുകയായിരുന്നു.
ദുബായ്: ദുബായ് വിമാനത്താവളത്തില്40 ലക്ഷം രൂപയുടെ വ്യാജ ഇന്ത്യന് കറന്സികള് പിടിച്ചെടുത്തു. സന്ദര്ശക വിസയിലെത്തിയ 60 വയസുകാരനാണ് കള്ളനോട്ട് കടത്താന് ശ്രമിക്കുന്നതിനിടെ പിടിയിലായതെന്ന് യുഎഇയിലെ എമിറാത്ത് അല് യൗം പത്രം റിപ്പോര്ട്ട് ചെയ്തു.
ബാഗില് ഒളിപ്പിച്ച നിലയിലായിരുന്നു വ്യാജ നോട്ടുകള്. എക്സ് റേ പരിശോധന നടത്തിയപ്പോള് ബാഗില് സംശയം തോന്നിയ ഇന്സ്പെക്ടര് വിശദ പരിശോധന നടത്തുകയായിരുന്നു. തുടര്ന്നാണ് വന്തുകയുടെ നോട്ടുകള് കണ്ടെത്തിയത്. ഇത് പരിശോധനിച്ചപ്പോള് മുഴുവന് നോട്ടുകളും കള്ളനോട്ടുകളാണെന്ന് തിരിച്ചറിയുകയായിരുന്നു. തന്റെ സുഹൃത്തിന്റേതാണ് നോട്ടുകളെന്നാണ് ഇയാള് ഉദ്യോഗസ്ഥരോട് പറഞ്ഞത്. പിടിയിലായ വ്യക്തിയുടെ വിശദാംശങ്ങള് അധികൃതര് പുറത്തുവിട്ടിട്ടില്ല.
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ Asianet News Malayalam