വിറ്റുപോയത് 74,700 കി​ലോയിലേറെ മാമ്പഴങ്ങൾ; സൂ​ഖ് വാ​ഖി​ഫി​ലെ ഇന്ത്യൻ മാമ്പഴമേളയിൽ റെക്കോർഡ് വി​ൽ​പ​ന

മാ​മ്പ​ഴ വി​ൽ​പ​ന​യിൽ റെ​ക്കോ​ഡു​കൾ കു​റി​ച്ച് സൂ​ഖ് വാ​ഖി​ഫിൽ ഇ​ന്ത്യ​ൻ മാ​മ്പ​ഴ​മേ​ള. മേളയുടെ ആദ്യ ഏ​ഴു ദി​നങ്ങളിൽ എത്തിയത് 72,000ത്തോ​ളം സ​ന്ദ​ർ​ശ​ക​രാണ്. ഇ​തി​ന​കം വി​റ്റ​ഴി​ഞ്ഞ​ത് 74,700 കി​ലോയിലധികം മാ​മ്പ​ഴ​ങ്ങ​ളാണ്. 

ദോഹ: ഖത്തറിലെ സൂ​ഖ് വാ​ഖി​ഫിൽ ഇ​ന്ത്യ​ൻ മാ​മ്പ​ഴ​മേ​ളയായ അ​ൽ ഹം​ബ ഫെ​സ്റ്റ് പൊ​ടി​പൊ​ടി​ക്കു​ന്നു. സ​ന്ദ​ർ​ശ​കരുടെ എണ്ണത്തിലും മാ​മ്പ​ഴ വി​ൽ​പ​ന​യി​ലും റെ​ക്കോ​ഡു​കൾ കു​റി​ച്ചു​കൊ​ണ്ടാ​ണ് മാ​മ്പ​ഴ​മേ​ള ​പു​രോ​ഗ​മി​ക്കു​ന്ന​ത്. മേളയുടെ ആദ്യ ഏ​ഴു ദി​നങ്ങളിൽ എത്തിയത് 72,000ത്തോ​ളം സ​ന്ദ​ർ​ശ​ക​രാണ്. ഇ​തി​ന​കം വി​റ്റ​ഴി​ഞ്ഞ​ത് 74,700 കി​ലോയിലധികം മാ​മ്പ​ഴ​ങ്ങ​ളാണെന്ന് സൂ​ഖ് വാ​ഖി​ഫ് അറിയിച്ചു. ഖ​ത്ത​റിലെ ഇ​ന്ത്യ​ൻ എം​ബ​സി​യും സൂ​ഖ് വാ​ഖി​ഫും നേ​തൃ​ത്വം ന​ൽ​കു​ന്ന പ​ത്തു ദി​വ​​സ​ത്തെ മാമ്പഴമേ​ള ജൂൺ 21 ന് ശനിയാഴ്ച അവസാനിക്കും.

​ക​ശ്മീ​ർ മു​ത​ൽ ക​ന്യാ​കു​മാ​രി വ​രെയുള്ള ഇ​ന്ത്യ​യു​ടെ വി​വി​ധ സം​സ്ഥാ​ന​ങ്ങ​ളി​ൽ നി​ന്നാ​യി ഇ​റ​ക്കു​മ​തി ചെ​യ്ത 55ഓ​ളം ഇ​നം മാ​മ്പ​ഴ​ങ്ങ​ളാ​ണ് മേളയുടെ രണ്ടാം പതിപ്പിൽ പ്ര​ദ​ർ​ശ​ന​ത്തി​നു​ള്ള​ത്. അ​ൽ​ഫോ​ൺ​സോ, മ​ൽ​ഗോ​വ, ദു​ഷേ​രി, ലം​ഗ്ദ, കേ​സ​ർ, ഹാ​പ​സ്, നീ​ലം, രാ​ജ്പു​രി, ബ​ദാ​മി തുടങ്ങി വ്യ​ത്യ​സ്തവും വൈ​വി​ധ്യ​മാ​ർ​ന്ന രു​ചി​ക​ളുമുള്ള വിവിധ മാ​മ്പ​ഴ​ ഇനങ്ങൾക്ക് പു​റ​മെ, മാ​ങ്ങ​ കൊണ്ടുള്ള അ​നു​ബ​ന്ധ ഉ​ൽ​പ​ന്ന​ങ്ങ​ളും മേളയുടെ ആ​ക​ർ​ഷണമാണ്. ലോ​ക​ത്തെ ഏ​റ്റ​വും വി​ല​കൂ​ടി​യ മാ​മ്പ​ഴ​​മാ​യ മി​യാ​സാ​കി​യും സൂ​ഖി​ലെ മേ​ള​യി​ൽ വി​ൽ​പ​ന​ക്കു​ണ്ട്. 95ഓ​ളം സ്റ്റാ​ളു​ക​ളി​ലാ​യി ഖ​ത്ത​റി​ലെ ഇ​ന്ത്യ​ൻ മാ​മ്പ​ഴ ഇ​റ​ക്കു​മ​തി​ക്കാ​ർ, ഹൈ​പ്പ​ർ​മാ​ർ​ക്ക​റ്റു​ക​ൾ, റ​സ്റ്റാ​റ​ന്റ്, ക​ഫേ എ​ന്നി​വ​യു​മു​ണ്ട്. 38 ഓളം ഇ​ന്ത്യ​ൻ ക​മ്പ​നി​കളാണ് മേളയിൽ പ​​ങ്കെ​ടു​ക്കുന്നത്. ഖ​ത്ത​ർ ആ​രോ​ഗ്യ മ​ന്ത്രാ​ല​യ​ത്തി​നു കീ​ഴി​ൽ ഗു​ണ​നി​ല​വാ​ര പ​രി​ശോ​ധ​ന പൂ​ർ​ത്തി​യാ​ക്കി​യ ശേ​ഷ​മാ​ണ് മാ​മ്പ​ഴ​ങ്ങ​ൾ വി​ൽ​പ​ന​ക്കെ​ത്തുന്ന​ത്.

മ​ല​യാ​ളി​ക​ളടക്കമുള്ള ഇ​ന്ത്യ​ൻ പ്രവാസികളേക്കാൾ മാ​മ്പ​ഴം തേ​ടി​ സ്വ​ദേ​ശി​ക​ളും, വി​വി​ധ രാ​ജ്യ​ക്കാ​രാ​യ അ​റ​ബി​ക​ളുമാണ് ഇത്തവണ മേളയിലെ​ത്തു​ന്നത്. ചൊ​വ്വാ​ഴ്ച രാത്രി 9,000ത്തി​ൽ അ​ധി​ക​വും ബു​ധ​നാ​ഴ്ച 10,000ത്തി​ലേ​റെ പേ​രുമാണ് ​മേ​ള​യി​ലെ​ത്തി​യ​ത്. അ​വ​സാ​ന രണ്ട് ​ദിന​ങ്ങ​ളായ വെ​ള്ളി, ശ​നി ദി​വ​സ​ങ്ങ​ളി​ൽ വ​ൻ ജ​ന​ത്തി​ര​ക്കാ​ണ് പ്ര​തീ​ക്ഷി​ക്കു​ന്ന​ത്. വരാന്ത്യ അവധി ദിനമായതിനാൽ വെള്ളിയാഴ്ച വൻ തിരക്ക് അനുഭവപ്പെട്ടേക്കാം. വൈ​കു​ന്നേ​രം നാ​ല് മു​ത​ൽ രാ​ത്രി ഒ​മ്പ​തു വ​രെ​യാ​ണ് മേളയിലേക്കുള്ള പ്രവേശനം. വെ​ള്ളി​യാ​ഴ്ച രാ​ത്രി 10 വ​രെ തു​ട​രും.