ഒമാനിൽ ഇന്നും ആയിരത്തിലധികം പേര്‍ക്ക് കൊവിഡ്; ഒൻപത് മരണം

ഒന്‍പത് പേര്‍ കൂടി രാജ്യത്തിന്റെ വിവിധ ഭാഗങ്ങളില്‍ കൊവിഡ് ബാധിച്ച് മരിച്ചു. ആകെ 1676 പേര്‍ക്കാണ് ഒമാനില്‍ ഇതുവരെ കൊവിഡ് കാരണം ജീവന്‍ നഷ്‍ടമായത്.  

മസ്‍കത്ത്: ഒമാനില്‍ 1162 പേര്‍ക്ക് കൂടി കൊവിഡ് വൈറസ് ബാധ സ്ഥിരീകരിച്ചതായി ആരോഗ്യ മന്ത്രാലയം ബുധനാഴ്‍ച അറിയിച്ചു. ഇതോടെ രാജ്യത്ത് കൊവിഡ് സ്ഥിരീകരിച്ചവരുടെ ആകെ എണ്ണം 1,59,218 ആയി. ഒന്‍പത് പേര്‍ കൂടി രാജ്യത്തിന്റെ വിവിധ ഭാഗങ്ങളില്‍ കൊവിഡ് ബാധിച്ച് മരിച്ചു. ആകെ 1676 പേര്‍ക്കാണ് ഒമാനില്‍ ഇതുവരെ കൊവിഡ് കാരണം ജീവന്‍ നഷ്‍ടമായത്.

ഇതുവരെ 1,43,996 പേര്‍ രോഗമുക്തി നേടി. നിലവിലെ രോഗമുക്തി നിരക്ക് 90.4 ശതമാനമായി കുറഞ്ഞു.  കഴിഞ്ഞ 24 മണിക്കൂറിനിടെ 68 പേരെ ആശുപത്രികളില്‍ പ്രവേശിപ്പിച്ചു. ഇവരടക്കം 515 പേരാണ് രാജ്യത്തെ വിവിധ ആശുപത്രികളില്‍ ഇപ്പോള്‍ ചികിത്സയിലുള്ളത്. ഇവരില്‍ 156 പേര്‍ തീവ്രപരിചരണ വിഭാഗങ്ങളിലാണ്.