തിരിച്ചെത്തിയ പ്രവാസികള്ക്കായി നോര്ക്ക-എസ് ബി ഐ ലോണ് മേള
Synopsis
പങ്കെടുക്കാന് താല്പര്യമുളള പ്രവാസി സംരംഭകര് ഡിസംബര് 15 നകം നോര്ക്ക റൂട്ട്സിന്റെ ഔദ്യോഗിക വെബ്ബ്സൈറ്റായ www.norkaroots.org വഴി രജിസ്റ്റര് ചെയ്യേണ്ടതാണ്.
തിരുവനന്തപുരം: തിരിച്ചെത്തിയ പ്രവാസികള്ക്കായി നോര്ക്ക റൂട്ട്സും സ്റ്റേറ്റ് ബാങ്ക് ഓഫ് ഇന്ത്യയും സംയുക്തമായി ഡിസംബര് 19 മുതല് 21 വരെ ലോണ് മേള സംഘടിപ്പിക്കുന്നു. തൃശൂര് , പാലക്കാട്, മലപ്പുറം, കോഴിക്കോട്, കണ്ണൂർ ജില്ലകളിലെ പ്രവാസി സംരംഭകര്ക്കായാണ് വായ്പാ മേള. രണ്ടുവര്ഷത്തില് കൂടുതല് വിദേശത്തു ജോലി ചെയ്ത് സ്ഥിരമായി നാട്ടില് മടങ്ങി വന്ന പ്രവാസികള്ക്ക് മേളയില് പങ്കെടുക്കാം. കോഴിക്കോട് എസ്.ബി.ഐ റീജിയണല് ബിസ്സിനസ്സ് ഓഫീസിലും, മറ്റ്ജില്ലകളിലെ എസ്.ബി.ഐ മെയില് ബ്രാഞ്ചുകളിലുമാണ് വായ്പാ മേള നടക്കുക.
പങ്കെടുക്കാന് താല്പര്യമുളള പ്രവാസി സംരംഭകര് ഡിസംബര് 15 നകം നോര്ക്ക റൂട്ട്സിന്റെ ഔദ്യോഗിക വെബ്ബ്സൈറ്റായ www.norkaroots.org വഴി രജിസ്റ്റര് ചെയ്യേണ്ടതാണ്. നോര്ക്ക റൂട്സില് നിന്ന് അറിയിപ്പ് ലഭിക്കുന്നവര്ക്ക് മാത്രമേ ലോണ് മേളയില് പങ്കെടുക്കാന് കഴിയൂ. കൂടുതല് വിവരങ്ങള്ക്ക് 0471-2770 511, +91-7736 917 333 (വാട്സ്ആപ്പ്) എന്നീ നമ്പറുകലിലോ, 24 മണിക്കൂറും പ്രവര്ത്തിക്കുന്ന നോര്ക്ക ഗ്ലോബല് കോണ്ടാക്ട് സെന്ററിന്റെ ടോള് ഫ്രീ നമ്പറുകളായ 1800 425 3939 (ഇന്ത്യയില് നിന്നും) +91-8802 012 345 (വിദേശത്തുനിന്നും, മിസ്സ്ഡ് കോള് സര്വ്വീസ്) ബന്ധപ്പെടാവുന്നതാണ്.
Read More - സൗദി ആരോഗ്യ മന്ത്രാലയത്തിലേക്ക് സ്റ്റാഫ് നഴ്സ് ഒഴിവുകള്; നോര്ക്ക റൂട്ട്സ് വഴി ഇപ്പോള് അപേക്ഷിക്കാം
പ്രവാസജീവിതം അവസാനിപ്പിച്ച് നാട്ടില് തിരിച്ചെത്തുന്നവരുടെ പുനരധിവാസത്തിനായി സംസ്ഥാന സര്ക്കാര് നോര്ക്ക റൂട്ട്സ് വഴി നടപ്പിലാക്കുന്ന നോര്ക്ക ഡിപ്പാര്ട്ട്മെന്റ് പ്രൊജക്റ്റ് ഫോര് റീട്ടേണ്ഡ് എമിഗ്രന്സ് പദ്ധതി (NDPREM) പ്രകാരമാണ് വായ്പാ മേള. പ്രവാസി സംരംഭങ്ങള്ക്ക് ഒരു ലക്ഷം രൂപ മുതല് പരമാവധി 30 ലക്ഷം രൂപ വരെയുളള വായ്പകളാണ് പദ്ധതി പ്രകാരം അനുവദിക്കുക.
Read More - ശമ്പളം ലഭിക്കാതെ സൗദി അറേബ്യയില് ദുരിതത്തിലായ മലയാളിയെ നാട്ടിലെത്തിച്ചു
കൃത്യമായ വായ്പാ തിരിച്ചടവിന് 15 ശതമാനം മൂലധന സബ്സിഡിയും (പരമാവധി മൂന്നു ലക്ഷം രൂപ വരെ) 3 ശതമാനം പലിശ സബ്സിഡിയും (ആദ്യത്തെ നാലു വര്ഷം) പദ്ധതി വഴി സംരംഭകര്ക്ക് ലഭിക്കും.
തിരിച്ചെത്തിയ പ്രവാസികള്ക്ക് സ്വയം തൊഴിലോ, ബിസ്സിനസ്സ് സംരംഭങ്ങളോ തുടങ്ങുന്നതിനും, നിലവിലുളളവ വിപുലപ്പെടുത്തുന്നതിനും സഹായകരമാകുന്നതാണ് നോര്ക്ക റൂട്ട്സ് എന്.ഡി.പി.ആര്.ഇ.എം പദ്ധതി. NDPREM പദ്ധതി സംസ്ഥാനത്തെ 18 ബാങ്കിങ്ങ്, ധനകാര്യസ്ഥാപനങ്ങളുടെ 6000 ത്തോളം ശാഖകള് വഴി ലഭ്യമാണ്. വിശദവിവരങ്ങള് നോര്ക്ക റൂട്ട്സ് വെബ്ബ്സൈറ്റില് ലഭ്യമാണ്.
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam, World Pravasi News, Keralites Abroad News, NRI Malayalis News ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ