Norka : കൊവിഡ് മരണം; പ്രവാസി തണല്പദ്ധതി വഴി സഹായ വിതരണം തുടരുന്നു
Synopsis
www.norkaroots.org എന്ന വെബ്സൈറ്റില് ഓണ്ലൈനായാണ് അപേക്ഷിക്കേണ്ടത്. പദ്ധതി വഴി ഇതുവരെ 341 പേര്ക്ക് 25,000 രൂപ വീതം വിതരണം ചെയ്തിട്ടുണ്ട്.
തിരുവനന്തപുരം : കൊവിഡ് (covid) ബാധിച്ച് വിദേശത്തോ സ്വദേശത്തോ മരിച്ച പ്രവാസികളുടെ (Expats) അവിവാഹിതരായ പെണ്മക്കള്ക്ക് നോര്ക്ക റൂട്ട്സിന്റെ (Norka roots) പ്രവാസി തണല് പദ്ധതി വഴിയുള്ള ധനസഹായ വിതരണം തുടരുന്നു. നോര്ക്ക റൂട്ട്സ് ഡയറക്ടറും പ്രമുഖ വ്യവസായിയുമായ രവി പിള്ളയുടെ നേതൃത്വത്തിലുള്ള ആര്.പി. ഫൗണ്ടേഷനുമായി ചേര്ന്ന് ആവിഷ്കരിച്ചിരിക്കുന്ന ഈ പദ്ധതിയിലൂടെ 25,000 രൂപയാണ് ഒറ്റത്തവണ സഹായമായി നല്കുന്നത്. അപേക്ഷിക്കുന്നതിന് വരുമാന പരിധി ബാധകമല്ല. അര്ഹരായ ഒന്നിലധികം മക്കളുണ്ടെങ്കില് ഓരോരുത്തര്ക്കും സഹായം ലഭിക്കും.
പ്രവാസിയുടെ പാസ്പോര്ട്ടിന്റെ പകര്പ്പ്, മരണ സര്ട്ടിഫിക്കറ്റ്, കൊവിഡ് മരണം സ്ഥിരീകരിക്കുന്ന മെഡിക്കല് സര്ട്ടിഫിക്കറ്റ്/കൊവിഡ് പോസിറ്റീവായ സര്ട്ടിഫിക്കറ്റ്/ കൊവിഡ് പോസിറ്റീവായ ലാബ് റിപ്പോര്ട്ട് പ്രവാസിയുടെ വിസയുടെ പകര്പ്പ്, 18 വയസ്സിനു മുകളിലുളള അപേക്ഷകര് അവിവാഹിതയാണെന്നു തെളിയിക്കുന്ന വിലേജാഫീസില് നിന്നുളള സര്ട്ടിഫിക്കറ്റ്, അപേക്ഷകയുടെ ആധാര്, എസ്.എസ്.എല്.സി സര്ട്ടിഫിക്കറ്റ്, അപേക്ഷകയുടെയോ രക്ഷാകര്ത്താവിന്റെയോ ആക്ടീവായ സേവിംങ്സ് പാസ്ബുക്കിന്റെ പകര്പ്പ് എന്നിവ അപേക്ഷയോടൊപ്പം ഹാജരാക്കണം. www.norkaroots.org എന്ന വെബ്സൈറ്റില് ഓണ്ലൈനായാണ് അപേക്ഷിക്കേണ്ടത്. പദ്ധതി വഴി ഇതുവരെ 341 പേര്ക്ക് 25,000 രൂപ വീതം വിതരണം ചെയ്തിട്ടുണ്ട്. കൂടുതല് വിവരങ്ങള്ക്ക് 1800 425 3939 എന്ന നമ്പരില് ബന്ധപ്പെടാവുന്നതാണ്. 0091 8802 012345 എന്ന നമ്പരില് വിദേശത്തു നിന്നും മിസ്സ്ഡ് കോള് സേവനവും ലഭ്യമാണ്.
തിരുവനന്തപുരം: വാഹനാപകടത്തില് (road accident) മരിച്ച പ്രവാസിയുടെ (Expat) കുടുംബത്തിന് നോര്ക്ക റൂട്ട്സ് പ്രവാസി തിരിച്ചറിയല് കാര്ഡ് വഴിയുള്ള ഇന്ഷുറന്സ് തുക വിതരണം ചെയ്തു. സൗദിയിലെ റിയാദില് മരിച്ച തൃശ്ശൂര് ചാലക്കുടി കൈനിക്കര വീട്ടില് ബിനോജ് കുമാറിന്റെ ഭാര്യ ഷില്ജയ്ക്കാണ് ഇന്ഷുന്സ് തുകയായ നാലു ലക്ഷം രൂപ നോര്ക്ക റൂട്ട്സ് സി.ഇ.ഒ കെ.ഹരികൃഷ്ണന് നമ്പൂതിരി കൈമാറിയത്.
ജർമനിയിൽ നഴ്സിംഗ്; ഭാഷാ പരീശീലനവും റിക്രൂട്ട്മെന്റും സൗജന്യം; മാർച്ച് 10നകം അപേക്ഷ
ഈ സാമ്പത്തിക വര്ഷം പദ്ധതി വഴി 23 പേര്ക്കായി 47 ലക്ഷം രൂപ വിതരണം ചെയ്തിട്ടുണ്ട്. നോര്ക്ക പ്രവാസി തിരിച്ചറിയല് കാര്ഡ് ഉടമകള്ക്ക് ജീവാപായം സംഭവിച്ചാല് നാലു ലക്ഷം രൂപയും അപകടം മൂലമുണ്ടാവുന്ന അംഗവൈകല്യങ്ങള്ക്ക് രണ്ടു ലക്ഷം രൂപ വരെയും പരിരക്ഷയുണ്ട്. മൂന്നു വര്ഷമാണ് കാര്ഡിന്റെ കാലാവധി. 18 മുതല് 70 വയസ്സുവരെയുള്ളവര്ക്ക് അപേക്ഷിക്കാം. അംഗത്വം ചേരുന്നതിനും പുതുക്കുന്നതിനും 315 രൂപയാണ് ഫീസ്. www.norkaroots.org എന്ന വെബ്സൈറ്റ് വഴി ഓണ്ലൈനായി പദ്ധതിയില് അംഗമാകാവുന്നതാണ്. വിശദവിവരങ്ങള്ക്ക് 1800 425 3939 എന്ന ടോള് ഫ്രീ നമ്പരില് ബന്ധപ്പെടാവുന്നതാണ്. 0091 880 20 12345 എന്ന നമ്പരില് വിദേശത്തു നിന്നും മിസ്സ്ഡ് കോള് സേവനവും ലഭ്യമാണ്.
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ Asianet News Malayalam