സൗദി അറേബ്യയിൽ കൊവിഡ് ബാധിതരുടെ എണ്ണത്തിൽ നേരിയ വർദ്ധനവ്

രാജ്യത്ത് ഇതുവരെ റിപ്പോർട്ട് ചെയ്യപ്പെട്ട ആകെ കൊവിഡ് കേസുകളുടെ എണ്ണം 7,49,597 ഉം രോഗമുക്തരുടെ എണ്ണം 7,32,113 ഉം ആയി. രാജ്യത്തെ ആകെ മരണം 9,028 ആയി. 

റിയാദ്: സൗദി അറേബ്യയിൽ പുതിയ കൊവിഡ് ബാധിതരുടെ എണ്ണത്തിൽ നേരിയ വർദ്ധനവ്. പുതിയതായി 126 പേർക്ക് കൊവിഡ് ബാധ റിപ്പോർട്ട് ചെയ്‍തതായി ആരോഗ്യ മന്ത്രാലയം അറിയിച്ചു. കഴിഞ്ഞ ദിവസങ്ങളില്‍ പുതിയ കൊവിഡ് രോഗികളുടെ എണ്ണം നൂറില്‍ താഴെയായിരുന്നു. നിലവില്‍ ചികിത്സയിലായിരുന്ന രോഗികളിൽ 154 പേർ കഴിഞ്ഞ 24 മണിക്കൂറിനിടെ സുഖം പ്രാപിച്ചു. ഒരു കൊവിഡ് മരണവും പുതിയതായി റിപ്പോർട്ട് ചെയ്തു. 

രാജ്യത്ത് ഇതുവരെ റിപ്പോർട്ട് ചെയ്യപ്പെട്ട ആകെ കൊവിഡ് കേസുകളുടെ എണ്ണം 7,49,597 ഉം രോഗമുക്തരുടെ എണ്ണം 7,32,113 ഉം ആയി. രാജ്യത്തെ ആകെ മരണം 9,028 ആയി. നിലവിൽ 8,456 പേർ കൊവിഡ് രോഗം ബാധിച്ച് ചികിത്സയിലുണ്ട്. ഇവരിൽ 212 പേർ ഗുരുതരാവസ്ഥയിലാണ്. ഇവർ രാജ്യത്തെ വിവിധ ആശുപത്രി തീവ്രപരിചരണ വിഭാഗത്തിൽ ചികിത്സയിൽ തുടരുന്നു. 

സൗദി അറേബ്യയിൽ നിലവിലെ കൊവിഡ് മുക്തി നിരക്ക് 97.67 ശതമാനവും മരണനിരക്ക് 1.20 ശതമാനവുമാണ്. രാജ്യത്തെ പ്രധാന നഗരങ്ങളിൽ പുതിയതായി റിപ്പോർട്ട് ചെയ്ത രോഗികളുടെ എണ്ണം: റിയാദ് - 32, ജിദ്ദ - 20, മദീന - 12, മക്ക - 12, അബഹ - 7, ദമ്മാം - 7, ത്വാഇഫ് - 6. സൗദിയിൽ ഇതുവരെ 6,23,19,469 ഡോസ് കൊവിഡ് വാക്സിൻ വിതരണം ചെയ്‌തു.