ഒമാനിൽ കൊവിഡ് ബാധിച്ച് ഒരു സ്വദേശി കൂടി മരിച്ചു

എട്ട് ഒമാൻ സ്വദേശികളും രണ്ടു  മലയാളികള്‍ ഉൾപ്പെടെ 13   വിദേശികളുമാണ് ഇതുവരെ കൊവിഡ് ബാധിച്ച് ഒമാനിൽ മരണപ്പെട്ടത്.  

മസ്‍കത്ത്: ഒമാനില്‍ കൊവിഡ് ബാധിച്ച് ഇന്ന് ഒരാള്‍ കൂടി മരിച്ചതായി ആരോഗ്യ മന്ത്രാലയം അറിയിച്ചു. 80 വയസുള്ള സ്വദേശിയാണ് മരിച്ചത്. ഇതോടെ രാജ്യത്തെ കൊവിഡ് മരണസംഖ്യ 21 ആയി. എട്ട് ഒമാൻ സ്വദേശികളും രണ്ടു  മലയാളികള്‍ ഉൾപ്പെടെ 13   വിദേശികളുമാണ് ഇതുവരെ കൊവിഡ് ബാധിച്ച് ഒമാനിൽ മരണപ്പെട്ടത്.

അതേസമയം ഒമാനില്‍ കൊവിഡ് ബാധിതരുടെ എണ്ണം 5000 കടന്നു. ഇന്ന് 404 പേര്‍ക്ക് കൂടി കൊവിഡ് 19 സ്ഥിരീകരിച്ചു. ഇതില്‍ 67സ്വദേശികളും 337 പേര്‍ വിദേശികളുമാണ്. ഇതോടെ രാജ്യത്ത് വൈറസ്  ബാധിച്ചവരുടെ എണ്ണം 5029  ലെത്തിയെന്നും 1436 പേര്‍ സുഖം പ്രാപിച്ചുവെന്നും ഒമാന്‍ ആരോഗ്യ മന്ത്രാലയം ഇന്ന് പുറത്തിറക്കിയ വാര്‍ത്താ കുറിപ്പില്‍ പറയുന്നു.