ജനുവരി അഞ്ച് മുതല്‍ ഒന്‍പത് വരെ നടത്തിയ പരിശോധനകളിലാണ് ഇത്രയും പേരെ അറസ്റ്റ് ചെയ്തത്. തൊഴില്‍ നിയമ ലംഘനങ്ങള്‍ കണ്ടെത്താന്‍ രാജ്യത്ത് പരിശോധനകള്‍ കര്‍ശനമാക്കാനുള്ള തീരുമാനത്തിന്റെ ഭാഗമായാണ് നടപടി.
മസ്‍കത്ത്: തൊഴില്‍ നിയമ ലംഘനങ്ങളുടെ പേരില്‍ 209 പ്രവാസികളെ അറസ്റ്റ് ചെയ്തതായി ഒമാന്‍ മാന്‍പവര്‍ മന്ത്രാലയം അറിയിച്ചു. മസ്‍കത്ത് ഗവര്‍ണറേറ്റിലെ പരിശോധനാ വിഭാഗമാണ് നിയമലംഘകരെ പിടികൂടിയത്. ജനുവരി അഞ്ച് മുതല്‍ ഒന്‍പത് വരെ നടത്തിയ പരിശോധനകളിലാണ് ഇത്രയും പേരെ അറസ്റ്റ് ചെയ്തത്. തൊഴില്‍ നിയമ ലംഘനങ്ങള്‍ കണ്ടെത്താന്‍ രാജ്യത്ത് പരിശോധനകള്‍ കര്‍ശനമാക്കാനുള്ള തീരുമാനത്തിന്റെ ഭാഗമായാണ് നടപടി. പിടിയിലായവര്‍ക്കെതിരെ നിയമനടപടികള്‍ സ്വീകരിച്ചുവരികയാണെന്ന് മാന്‍പവര്‍ മന്ത്രാലയം പുറത്തിറക്കിയ പ്രസ്താവനയില്‍ വിശദീകരിക്കുന്നു.