ഒമാനില് കൊവിഡ് കുറയുന്നു; മൂന്ന് ദിവസത്തിനിടെ 202 പുതിയ കേസുകള്
Synopsis
ഇതുവരെയുള്ള കണക്കുകള് പ്രകാരം രാജ്യത്ത് കൊവിഡ് സ്ഥിരീകരിച്ചത് 3,02,668 പേര്ക്കാണ്. ഇവരില് 2,92,573 പേരും ഇതിനോടകം രോഗമുക്തരായി.
മസ്കത്ത്: ഒമാനില് കഴിഞ്ഞ 3 ദിവസത്തിനിടെ 202 പേര്ക്ക് കൊവിഡ് സ്ഥിരീകരിച്ചതായി ആരോഗ്യ മന്ത്രാലയം അറിയിച്ചു. അഞ്ച് കൊവിഡ് മരണങ്ങളാണ് രാജ്യത്ത് പുതിയതായി റിപ്പോര്ട്ട് ചെയ്യപ്പെട്ടത്. 392 പേര് കൂടി രോഗമുക്തി നേടി.
ഇതുവരെയുള്ള കണക്കുകള് പ്രകാരം രാജ്യത്ത് കൊവിഡ് സ്ഥിരീകരിച്ചത് 3,02,668 പേര്ക്കാണ്. ഇവരില് 2,92,573 പേരും ഇതിനോടകം രോഗമുക്തരായി. 4,075 പേര്ക്കാണ് കൊവിഡ് കാരണം ഒമാനില് ജീവന് നഷ്ടമായത്. 96.7 ശതമാനമാണ് ഇപ്പോഴത്തെ രോഗമുക്തി നിരക്ക്. കഴിഞ്ഞ 24 മണിക്കൂറിനിടെ 6 കൊവിഡ് രോഗികളെ മാത്രമാണ് ആശുപത്രികളില് പ്രവേശിപ്പിക്കേണ്ടി വന്നത്. ഇവര് ഉള്പ്പെടെ 97 പേര് ഇപ്പോള് രാജ്യത്തെ വിവിധ ആശുപത്രികളില് ചികിത്സയിലുണ്ട്. ഇവരില് 39 പേരാണ് തീവ്രപരിചരണ വിഭാഗങ്ങളിലുള്ളത്.
കൊവിഡ് മഹാമാരിയുടെ രണ്ടാംവരവിന്റെ ഈ കാലത്ത്, എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹ്യ അകലം പാലിച്ചും വാക്സിന് എടുത്തും പ്രതിരോധത്തിന് തയ്യാറാവണമെന്ന് ഏഷ്യാനെറ്റ് ന്യൂസ് അഭ്യര്ത്ഥിക്കുന്നു. ഒന്നിച്ച് നിന്നാല് നമുക്കീ മഹാമാരിയെ തോല്പ്പിക്കാനാവും. #BreakTheChain #ANCares #IndiaFightsCorona
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ Asianet News Malayalam