രാജ്യത്ത് 2,80,423 കൊവിഡ് രോഗികള് ഇതുവരെ രോഗമുക്തരായിട്ടുണ്ട്. 94.4 ശതമാനമാണ് ഇപ്പോഴത്തെ രോഗമുക്തി നിരക്ക്.
മസ്കത്ത്: ഒമാനില് 287 പേര്ക്ക് കൂടി കൊവിഡ് സ്ഥിരീകരിച്ചതായി ആരോഗ്യ മന്ത്രാലയം അറിയിച്ചു. കഴിഞ്ഞ 24 മണിക്കൂറിനിടെ 18 കൊവിഡ് മരണങ്ങളാണ് രാജ്യത്ത് റിപ്പോര്ട്ട് ചെയ്യുപ്പെട്ടത്. ഇതോടെ രാജ്യത്ത് ഇതുവരെ കൊവിഡ് സ്ഥിരീകരിക്കപ്പെട്ടവരുടെ എണ്ണം 2,97,122 ആയി. 3868 കൊവിഡ് മരണങ്ങളാണ് ഇതുവരെ റിപ്പോര്ട്ട് ചെയ്യപ്പെട്ടത്.
രാജ്യത്ത് 2,80,423 കൊവിഡ് രോഗികള് ഇതുവരെ രോഗമുക്തരായിട്ടുണ്ട്. 94.4 ശതമാനമാണ് ഇപ്പോഴത്തെ രോഗമുക്തി നിരക്ക്. കഴിഞ്ഞ 24 മണിക്കൂറിനിടെ 38 പേരെ കൊവിഡ് ബാധിച്ച് രാജ്യത്തെ വിവിധ ആശുപത്രികളില് പ്രവേശിപ്പിച്ചു. ഇവര് ഉള്പ്പെടെ 505 പേര് ഇപ്പോള് ആശുപത്രികളില് ചികിത്സയിലുണ്ട്. ഇവരില് 215 പേരുടെ നില ഗുരുതരമാണ്. ഇവരെ തീവ്രപരിചരണ വിഭാഗങ്ങളില് പ്രവേശിപ്പിച്ച് ചികിത്സ നല്കിവരുന്നു.