Oman Covid Report : ഒമാനില് 31 പേര്ക്ക് കൂടി കൊവിഡ് സ്ഥിരീകരിച്ചു
Synopsis
രാജ്യത്ത് ഇതുവരെ 3,04,874 പേര്ക്ക് കൊവിഡ് സ്ഥിരീകരിച്ചിട്ടുണ്ട്. ഇവരില് 3,00,203 പേരും ഇതിനോടകം രോഗമുക്തരായിക്കഴിഞ്ഞു. 4,113 മരണങ്ങളാണ് റിപ്പോര്ട്ട് ചെയ്യപ്പെട്ടിട്ടുള്ളത്.
മസ്കത്ത്: ഒമാനില് (Oman) കഴിഞ്ഞ 24 മണിക്കൂറിനിടെ 31 പേര്ക്ക് കൂടി കൊവിഡ് വൈറസ് ബാധ (covid - 19 infection) സ്ഥിരീകരിച്ചു. രാജ്യത്ത് കൊവിഡ് ബാധിച്ച് ചികിത്സയിലായിരുന്ന 12 പേര് രോഗമുക്തരായി. പുതിയതായി കൊവിഡ് മരണങ്ങളൊന്നും (Covid deaths ) ഒമാനില് റിപ്പോര്ട്ട് ചെയ്യപ്പെട്ടിട്ടില്ല.
രാജ്യത്ത് ഇതുവരെ 3,04,874 പേര്ക്ക് കൊവിഡ് സ്ഥിരീകരിച്ചിട്ടുണ്ട്. ഇവരില് 3,00,203 പേരും ഇതിനോടകം രോഗമുക്തരായിക്കഴിഞ്ഞു. 4,113 മരണങ്ങളാണ് റിപ്പോര്ട്ട് ചെയ്യപ്പെട്ടിട്ടുള്ളത്.നിലവില് 98.5 ശതമാനമാണ് ഒമാനിലെ കൊവിഡ് രോഗമുക്തി നിരക്ക്. കഴിഞ്ഞ 24 മണിക്കൂറിനിടെ രണ്ട് കൊവിഡ് രോഗികളെ ആശുപത്രിയില് പ്രവേശിപ്പിച്ചു. ആകെ 10 കൊവിഡ് രോഗികളാണ് രാജ്യത്ത് ഇപ്പോള് ആശുപത്രികളില് ചികിത്സയിലുള്ളത്. ഇവരില് രണ്ട് പേര് ഗുരുതരാവസ്ഥയിലാണ്. ഇവരെ തീവ്രപരിചരണ വിഭാഗത്തില് പ്രവേശിപ്പിച്ച് ചികിത്സ നല്കുന്നുവെന്നും ആരോഗ്യ മന്ത്രാലയം പുറത്തുവിട്ട റിപ്പോര്ട്ട് വ്യക്തമാക്കുന്നു.
മസ്കറ്റ്: പുതിയ യാത്രാനിബന്ധനകള്(Travel guidelines) സംബന്ധിച്ച് വിമാന കമ്പനികള്ക്ക് അറിയിപ്പ് നല്കി ഒമാന് സിവില് ഏവിയേഷന് അതോറിറ്റി(Oman Civil Aviation Authority). യുഎഇയില് നിന്ന് ഒമാനിലേക്കുള്ള യാത്രകള്ക്കാണ് പുതിയ നിബന്ധനകള് ബാധകമാക്കിയത്. ഒമാനിലെയും യുഎഇയിലെയും പൗരന്മാര് ഇരു രാജ്യങ്ങള്ക്കുമിടയില് സഞ്ചരിക്കുമ്പോള് പുതിയ നിബന്ധനകള് പാലിക്കണം. ഒമാനിലെ യാത്രാ നിബന്ധനകള് പാലിക്കാത്ത യാത്രക്കാരെ വിമാനത്തില് കയറ്റിയാല് വിമാന കമ്പനിക്ക് പിഴ ചുമത്തുമെന്നും അറിയിപ്പില് വ്യക്തമാക്കുന്നു.
യുഎഇയില് നിന്ന് ഒമാനിലേക്ക് യാത്ര ചെയ്യുന്ന പൗരന്മാര് കൊവിഡ് വാക്സിനേഷന് സര്ട്ടിഫിക്കറ്റ് ഉള്പ്പെടെ അപ്ലോഡ് ചെയ്ത് രജിസ്ട്രേഷന് പൂര്ത്തിയാക്കണം. ഒമാനിലെത്തുന്ന സമയത്തിന് 14 മണിക്കൂര് മുമ്പെടുത്ത കൊവിഡ് പിസിആര് നെഗറ്റീവ് ഫലവും കരുതണം. https://covid19.emushrif.om/ എന്ന ലിങ്ക് വഴിയാണ് രജിസ്ട്രേഷന് പൂര്ത്തിയാക്കേണ്ടത്.
https://covid19.emushrif.om/ ലിങ്ക് വഴിയുള്ള രജിസ്ട്രേഷന്, വാക്സിനേഷന് സര്ട്ടിഫിക്കറ്റ്, നെഗറ്റീവ് പിസിആര് പരിശോധനാ ഫലം അല്ലെങ്കില് ഒമാനിലെത്തിയ ശേഷം പിസിആര് പരിശോധന നടത്താനുള്ള റിസര്വേഷന് എന്നിവയാണ് വാക്സിന് സ്വീകരിച്ച യാത്രക്കാര് കരുതേണ്ട രേഖകള്.
https://covid19.emushrif.om/ ലിങ്ക് വഴിയുള്ള രജിസ്ട്രേഷന്, നെഗറ്റീവ് പിസിആര് ഫലം അല്ലെങ്കില് ഒമാനിലെത്തിയ ശേഷം പിസിആര് പരിശോധന നടത്താനുള്ള റിസര്വേഷന്, ഇന്സ്റ്റിറ്റ്യൂഷണല് ക്വാറന്റീനില് ഇളവ് ലഭിക്കാത്തവര് ക്വാറന്റീന് സെന്റര് റിസല്വേഷന് രേഖ എന്നിവ കൈവശം കരുതണം.
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ Asianet News Malayalam